FaceBook  tg  in  yt  rss

Ковидалъ хIал гьабулеб буго

 

   Коронавирусалда сверухъ республикаялда ахIвал-хIал жеги лъикIлъун гьечIо. ЦIакъ гIемерав чи унтулев вугин баян кьолеб буго официалиял хъулухъаз. Сордо-къоялда жанив унтаразул къадар 150 чиясдаса цIикIкIун буго. Мисалалъе, 30-31 августалда больницаялде ккун вуго 180 чи. Цо сордо-къоялда жаниб хун вуго 22 чи. Сахлъун къватIиве виччан вуго 167 чи.

     Август моцIалда жаниб ре­спубликаялда коронаялъ хун вуго 475 чи. Гьеб ккола роол моцIазда жаниб бищун кIудияб къадар.

Республикаялда коронаялъ кинавниги унтун вуго 47756 чи, сахлъун вуго 43099 чи, хвана 2022 чи. ЦIакъ пашма­наб хIал буго гьабсагIат гьелъул рахъалъ республикаялда. Больницабазде гIага-божарал ккарал чагIаз бицунеб буго гьезие хIажатал дараби ра­тулел гьечIин абунги. Ми­салалъе, МахIачхъалаялъул тIоцебесеб клиникаялъул больницаялда егун йигей гIагарай гIаданалъе дару гьениб батичIого, жидецаго босизе кканин 38 азарго гъурщидеян бицана гьал къоязда пуланай гIаданалъ.

    2020 соналъул ихдал букIараб ахIвал-хIал, гьанже бугелда дандеккун «бертин» букIанин абулеб буго жалго тохтурзабазги. Гьаб нухалда унтаразда гъорлъ гIемер руго гIолохъанаб ригьалъул гIадамал.

     Цебеги лъазабун букIахъе, бертаби, магIирукъзал ва цогидалги дандеруссинал гьаризе гьукъун букIанинги, гьелъул милат гьабулеб къанагIат гурони гьечIо. ГIемерав чи данделъараб бакIалда нусго­ялда гьоркьов цо чи ватизе бе­гьула гьурмада маска ххурав. Гьедин буго гьабсагIаталда ре­спубликаялда иш. ЦIодорлъи гьабеян абулеб буго тохтурзабаз. Амма бищунго лъикIаб бугин киназго вакцина гьабуни. «Вакцина, вакцина, нахъеги вакцина», - ян буго щибаб къоялъ ахIи балебги. Гьелъулъ гурони хвасарлъи гьечIин бицунеб буго сахлъи цIуниялъул хIалтIухъабазги.

Ковидалъ хIал гьабулеб буго
Прочитано 63 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх