FaceBook  tg  in  yt  rss

Ахбазаналъул байрам

 

    3-4 июлалда МахIачхъалаялда, Пушкинил цIаралда бугеб къотIноб, тIобитIизе буго Ахбазаналъул фестиваль. Гьеб ккола республикаялъул Росдал магIишаталъул министерствоялъ тIобитIулеб тадбир.

   Гьелго къоязда тIобитIизе буго республикаялда ахихъанлъи цебетIезабиялда хурхун гIелмияб конференцияги, букIине буго кIудияб ярмаркаги.

     Жидерго ахикь гIезабураб нигIматгун магIарухъа гIемерал ахихъаби рачIине руго гьеб къоялъ МахIачхъалаялде. ГьабсагIат хьиндаллъиялда тIад бан бугин абизе бегьула ахбазан барщулеб гIуж. Щибаб къоялъ ящикал цIун пихъ бакIарулел, гьеб жанибе кьезе къотIи-къаял гьарулел, машинабазде гьеб баччулел руго ахил бетIергьаби.

    МагIарухъ гьабсагIат бищунго цIикIкIун ахбазан гIезабулел районазда гъорлъ рехсола Хьаргаби ва Унсоколо. Амма Гумбет, Болъихъ ва Шамил районаздаги дагьал гьечIо куракул ахал.

   - Цере гIадин, консервал къалел заводал гучалда гьечIониги, ахбазан гIезабиялде кьолеб кIвар дагьлъун гьечIо магIарухъ, - илан бицана Болъихъ районалъул Кьохъ росулъа Фатима ГIисаевалъ.

- Ахбазаналъул компот, мурапа ва цогидаб нигIмат цIакъ бокьула халкъалъе. Гьединго гьелъул гагадул гьабураб хьодуде ва урбаялде нилъер гьаниб, хасго шагьаралда гIумру гьабун ругезул цIакъ хьул лъола. Узухъда, гIемераб гIетIги тIезе ккола, ахие хъулухъ гьабулаго, бигьаяб хIалтIи гуро гьеб. Амма, баччараб захIматалда рекъон, нилъ разияб хайир гьелдаса щвечIогоги хутIуларо.

    Фестиваль тIобитIулеб букIинги лъикIаб тадбир буго. Нилъерго ахбазан цогидазда бихьизабизе, гьелъул тIагIамалъул хIалбихьизе рес щвела къватIиса рачIаразеги.

Ашахан ЮСУПОВ

Ахбазаналъул байрам
Прочитано 86 раз Последнее изменение Четверг, 24 июня 2021 13:31

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх