Меликовасги Титовасги бизнесалъул бицана

 

     16 марталда ДРялъул нухмалъулев Сергей Меликов дандчIвана предпринимателазул ихтиярал цIуниялъул рахъалъ РФялъул прези-дентасда цеве вугев вакил Борис Титовгун.

 

   Титовас бицана пандемиялъул заманалда улкаялъул бизнесменазе зарал кканин, амма нилъер республикаялда лъикIаб иш гьабун бугила гьел бизнесменазе цо-цо налогал бигьалъизариялдалъун. Гьеб рахъалъ жеги пайдаял хIалтIаби гьаризе хIисабалде росун ругилан.

   Меликовас кIвар буссинабуна республикаялда гьоркьохъеб даран-базар цебетIезабизе къваригIун бугилан. Гьединго туризмги бугила аслиязул цояб. Амма гьелъие хIажалъулел гостиницабиги цогидабги базе гIицIго республикаялъухъа бажаруларин къватIиса кумек гьечIогоянги тIаде жубана С. Меликовас.

Ашахан ЮСУПОВ