Даран-базаралъе — 613 млн гъурущ

 

     Предпринимательлъиялъул ва инвестициязул рахъалъ гIуцIараб агентствоялъул хIалтIул хIасилал гьарураб данделъи тIобитIана 1 марталда ДРялъул хIукуматалда.

    ГIиси-бикъинаб даран-базар цебетIезабиялъе гъоркьиса республикаялъул бюджеталдаса биччан буго 613 млн гъурущ. Гьеб харж гьабун буго бигьалъаби чIезарун микрозаймал кьезе, лизингалдалъун къайи-цIа босизе.

    Гьанжеялдаса хадуб росдал магIишат, промышленность, туризм цебетIезабиялъе гIуцIарал проектал тIуразе агентствоялъ квербакъизе букIиналъулги бицана гьениб.

    ДРялъул хIукуматалъул председатель ГI. ГIамирхановас абуна республикаялде кигIан кIваниги гIемер инвестициял рачIинариялда тIадги хIалтIизе кколин агентствоялъул вакилзаби. Бокьараб иш байбихьизе рес кьолел ракьал кир ругелали бихьизабизе, гьединго инвестициязул суалал цойиде росизе гIоло хасаб сайтги гIуцIизе ккелин лъазабуна премьерас.

 З. ХIАЖИЕВА