Кумек хIажат буго

ГьитIинав Айдемирил гьари

 

Акопов Айдемирил буго 4 сон. Гьев вуго хехго бицараб жо бичIчIулев, махсара-хочI бокьулев, тарбия щварав вас. Гьесухъе гьоболлъухъе унаго, дица гьесие босана торгIо. Сайгъаталдаса гьев вохана, амма нечадго бадибчIвайги гьабуна – дуца дие таманчаго босун букIарабани, торгIо дихъа лъималаз бахъула, гьезда хадув векерун дихъаги бажаруларо. 

Айдемир унтун вуго ДЦПялъ. ЛъагIел байдай, лъана гьесул гъоркьияб рахъ хIалтIизе гьечIеблъи. Гьелдаса нахъе байбихьана эбел-инсуца Айдемирие дару-сабаб гьабизе. Бичана машина, гIарац-месед, кинабго буголъи. ХутIана чияр рокъор. Амма аслияб мурад тIубана – гьезул хирияв Айдемир гьезда аскIов вуго. Жакъа гьесие цIакъ хIажатаб жо буго инвалидазулаб коляска, кверазда ва бохдузда рухьунел хасал тоторал. Гьел щвезелъун лъабго соналъ иргаялда руго гьел. Къого килограммалдасаги бакIлъи цIикIкIарав вас, коляска гьечIолъиялъ, кодов ккун ваччизе кигIан захIмат бугониги, васасул эбел Диана гIадамазда кумек гьаризе намуслъана. Жидедаса цIикIкIун унтаралги чанги ругин, пачалихъалъ кьезегIан сабру гьабун чIелин абулаан гьелъ. Гьанже ине бакI тIагIана, жакъа гьаризе ккана нужеда кумек. Дараби щвечIони, васасул эпилепсия байбихьизе рес бугин лъазабун букIана тохтурзабаз. Ахираб заманалда кIиго нухалъ эпилепсиялъул унти бачIана гьесде. Гьелъул хал-шал гьабизе ине ккола Москваялде, гьабизе ккола ботIрол МРТ. Сордо-къо лъачIого хIалтIула гьесул эмен АсхIаб. Кумекалъе чи гьечIев инсуда кIолеб гьечIо гьеб киналъего гIарац бакIаризе. Щивас, дагьаб бугони, кIвараб кумек гIарцудалъун гьабуни, рес буго Айдемирил къварилъи бигьа гьабизе — кватIун ккелалде, гьесул цояб бох сахгьабизе.

Айдемирие кумек гьабизе бокьарал кIалъай гьаб номералде: 8989-872-29-83
Сбербанкалъул гьаб счеталде рехизе бегьула гIарац — 4276 3800 7303 2745.