Гьал къоязда 100 сон тIубана лезгиязул республикаялъул жамгIиябгун политикияб «Лезги газета» къватIибе биччазе байбихьаралдаса. Гьеб газеталъ нахъа тана гIезегIан хIалуцараб ва захIматаб, амма халкъалъе хIажатаб захIматалъулаб нух. «Лезги газеталъ» кIудияб бутIа лъуна лезгияз гIумру гьабулел районазда гуребги, тIолабго Дагъистаналъулго социалиябгун экономикияб цебетIей бихьизабиялъулъ, бицана ва хъвана миллаталъул тарихалъул, мацIалъул, гIадамазул ва гIадатазул хIакъалъулъ.
Эркенлъи ва захIмат бокьулеб, канлъи-лъаялде цIайи бугеб лезги миллат ккола Дагъистаналъул халкъазул вацлъиялъулаб хъизаналда жиндирго хаслъигун гIумру тIамулеб, ритIухълъи бокьулеб къавм. Дагъистаналъул тарихалда гьеб миллаталъул вакилзабаз бихьизабуна республикаялъул цо- гидал х алкъалгун ц адахъ л ъугьун гIаммаб халкъияб магIишат, гIелму ва культура цебетIезабизе бугеб гъира ва цIубараб махщел. Къаламцоязда гIасруялъулаб юбилейги баркулаго, нижеца гьарула гьезие жеги чIахIиял бергьенлъаби ва творчествоялъулъ икъбал.
«ХIакъикъаталъул» редакция