FaceBook  in  yt  rss

МахIачхъалаялда бугеб бизнесчагIазул ассоциациялда гьоркьове уна анлънусгоялдасаги цIикIкIун чи. Гьезул цояв ккола Шамил района­лъул Ракьуб росулъа ГIали ХIасановги. Гьес лъугIизабуна ДГУялъул советияб дармилаб факультет, хIалтIана даран-базаралъул бутIаялда. 1994 соналдаго рагьана магIишатияб къайи-цIа бичулеб тукен ва гьабсагIаталдаги вуго гьеб хIалтIуда.

- ГIали, щиб гIиллаялдалъун дуца тIаса бищараб дармилаб факультет?
- Дун гIуна Гъизилюрт районалъул Стальское росулъ. РакIалда букIана политехникияб институталде лъугьине, амма гьенивеги ворчIичIого ана армиялде. Гьениса вуссиндал, лъугьана доб заманалда ДГУялда букIараб гьеб факультеталдеги.
Цебе къайи-цIаялъул ва нигI­ма­тазул рахъалъан букIана къана­гIалъи, пачалихъалда кIолеб бу­кIинчIо гIадамал хIажаталдалъун хье­зарун. Гьединлъидал завмаггун завскладасул гуребги, гIадатияв вичарухъанасулги букIана къадру, гьел рукIана киназего хIажатал гIадамал. Гьединаб хIужаги кьочIое босун батиларищха гьениве лъугьунелъул.
- Гьеб хIалтIуда вукIаго кIва­нищха бечелъи данде гьабизе?
- Бечелъизеги бечелъичIо, гъурщида хадувги киданиги лъугьинчIо. Дица хIаракат бахъана законалда рекъонги, гIаданлъиялъул гIурхъи цIунунги хIалтIи гьабизе.
- Жакъа мун вуго бизнесчагIа­зул ассоциациялъул кьеразулъ. Гьенив вукIиналъ щиб дуе кьолеб?
- Ниж, гьоркьохъеб бизнесалда ругел гIадамал, руго пачалихъалъ рехун тарал, налогал ракIарулелъул гурони лъидаго ракIалде щоларел чагIи. Гьединлъидал гьечIого гIоларо нижеца мугъчIвай гьабизе бегьулеб идара. Ассоциациялъул нухмалъулев ГIабдулахIаким Пахрудинов вуго бокьараб бакIалда кьучIаб рагIи абун бажарулев, нижер тIалабал цIунизе кIолев чи. Гьениб нижее щола хIажатаб кумек. Гьелъ квербакъула цоцазда лъаялъе, гьоркьорлъаби щула гьариялъе, цадахъ рекъон иш гIуцIиялъе.
Нилъер гьаниб квеш ккараб жо буго налогал кьеялъул бичIчIулеб цо къагIида гьечIеблъи. ХIалтIуде регIизего толаро гIемерал документал рекъезаризе кколел рукIиналъ.
- ХIукуматалъул идарабаздасан щолеб кумекго букIунищ?
- Жеги цониги чи вачIинчIо аскIове дуе хIажатаб щиб бугебилан цIехон. РачIуна документал ругищин, налогал кьунищин абун цIехезе. Амма, талихIалъ, ахирал соназда дагьлъана халгьабулезул къадар.
- Ахираб заманалда гIемер рехсолел санкциял нужер дараналда хъинтIанищ?
- Дармил иш мукъсанлъана. Амма гьелъие гIилла буго, хIалтIи гьечIого рукIиналъ, гIемерал гIа­да­мал даран-базар гьабизе лъугьин, тукабигун базарал гIемерлъи. Цо рахъалъ конкуренция букIин лъикI­ги буго.

Республикаялъул рахунел унтабазул централъул БОКС-отде­ле­ниялъул заведующая, тохтур-инфекционист ТIайгибат Хазамова данд­чIвана регионалиял СМИязул журналисталгун. Гьелъ бицана ко­ронавирусалдаса цIуниялъе Дагъистаналда гьарулел ругел тадбира­зул хIакъалъулъ.

Школаздаги тIадегIанал цIалул идарабаздаги лъимал цIалулел гье­чIин, гIемерисеб мехалда гьел телефоназде тIаде къулун рукIунин гIарз букIуна учительзабазулгун пре­подавательзабазул. Цо-цо гIо­ли­лазулгун гара-чIвари гьабидалги бихьулеб буго гьезие хIажатаб жо диплом щвей букIин. Амма, та­лихIалъ, гьединал гIолилал гIемер гьечIо. ЦIикIкIарасеб къадаралъу­л мурад буго лъай боси ва гьелда ре­къа­раб махщел щвей. Масала, гьединазда гьоркьов рехсезе бегьула Хьаргаби районалъул Хъвартихьуни росулъа МухIамадов Мусакъади. Гьев цIалулев вуго ДГУялъул экологиялъул институталда. Мусакъадил ниятги буго, багIараб дипломалда институтги лъугIизабун, гIелмуялде тIаделъизе.

ХIалтIулъ батана талихI

Гьал къоязда 80 сон тIубала Шамил районалъул МачIада росдал школалъул учитель, ДРялъул мустахIикъав учитель, ДАССРалъул лъай кьеялъул отличник МухIамад Хираевас.

Суалал-жавабал

МахIачхъала шагьаралъул Батирайил къва­тIалъул №39/18 адресалда гIумру гьабун вугев С. Шамсудиновас редакциялде битIун бачIараб кагътида хъвалеб буго: «АнцIго сон буго коммуналиял хъулухъазухъ гIарац кьезе дун хьвадулев вугелдаса.

22 февралалда ЧIарада районалъул Гьилиб росулъ вилана лъабго сон барав вас. КватIичIого васасул эбелалъ ахIи бана районалъул полициялъул отделалде.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх