Сделать домашней|Добавить в избранное
 
на правах рекламы
Сортировать статьи по: дате | популярности | посещаемости | комментариям | алфавиту

Борхиладай гIодобе ккараб къимат?

Добавил(а): Musa от 22-01-2013, 10:10
Москваялъулал асир гьаруна

  

Россиялъул цогидал бакIазда Дагъистаналъул рахъалъ лъикIал гурел пикраби рижизарулеблъун араб сон букIун батаниги, маданияталъул ва гьеб цебетIезабиялъул рахъалъ нилъ нахъеккун рукIинчIин абизе бегьула. "МугIрузул гIадамал" нич гьечIеллъун рихьизарулел рукIаниги, Дагъистаналда искусствоги, халкъияб творчествоги, пагьму бугел гIолилалги рукIин хIакъаб буго. Республика бахун къватIир тIоритIана "Дагъистаналъул къоял", Россиялъул батIи-батIиял шагьаразда бихьизабуна маданияталъул бечелъи.

"Умумузул гъансито гIадаб бакI батичIо"

Добавил(а): Musa от 15-01-2013, 15:18
МагIарул росабазул суратазухъ - гIарцул медаль

  

Искусствоялъул хIакъалъулъ гIемерал тIахьал хъван ругониги, гьел цIалулел ва искусствоялъул пикру гьабулел гIемер ратуларо. Жиде-жидер хIалтIудаса цогидаб жоялде регIулел гьечIо. Жакъа пайда-хайир бугеб жоялде гурони гIадамаз кIвар кьолеб гьечIо. Хъвадарухъанасул ва шагIирасул рагIул борхалъиги, тIагIелал гьарулел устарзабазул накъищазул берцинлъиги, гIалимчиясул хIалтIабазул пайдаги, художниказул суратазул гъварилъиги бичIчIизе захIмалъулеб буго гIицIго чорхое рахIатги рукъалъе бечелъиги балагьулезе. РухIияб бечелъи цIехолел къанагIалъун руго. Хасго гьанжесеб гIелалъул рухIияб рахъ нахъе кколеб букIин бичIчIана дагьал церегIан къоязда Художниказул союзалъул выставкабазул залалъул директор, Дагъистаналъул мустахIикъав художник ГIамирхан МухIамадовасулгун ккараб гара-чIвариялъул хIасил гьабидалги.

  

"ЧIужу яче, кIудада!"

Добавил(а): Musa от 15-01-2013, 15:12
Авартеатралда – премьера

  

ЦIияб соналъул байрамалда магIарулазе кIудияб сайигъат гьабуна Авартеатралъул артистаз. Гульшат Зейнашевалъул сценариялда тIасан "ЧIужу яче, кIудада!" абураб спектаклялъул премьера хIадурун букIана гьез. Гьенир аслиял ролал хIана РФялъул мустахIикъав артист ХIусен Казиевас (Гъапур); ДРялъул мустахIикъал артистал: Амантула Къебедовалъ (Написат), Наира ХIайбулаевалъ (Марям), МухIамад ГIабдулатIиповас (Саттар); артистал Ариза МухIамадовалъ (Магьинур), ПатIимат ГIабасовалъ (Сафияханум) ва Салим Батировас (Рустам).

Басрияб цIунана, цIияб лъазабуна

Добавил(а): Musa от 29-12-2012, 16:12
Кагътида лъикI хIалтIулел культураялъул идараби

  

Маданияталде ва искусствоялде абизегIанасеб кIвар кьолареб заман гьаб букIаниги, искусствоялде рокьи бугез гьеб рехун тун гьечIеблъи бихьулеб буго. Лъиего балъгояб жо гуро республикаялъул даражаялда гьабулеб хIалтIулъ гурони муниципалиял гIуцIабаздаги росабалъги культураялъул хIалтIи рехун тун букIин. ГIемерисезул хIалтIи кагътида букIин бахчуларо бакIалъулал нухмалъулезцин. Гьелъие гIиллалъунги рикIкIуна маданияталде кIвар кьолеб гьечIолъи. Амма унго-унгоги маданият цебетIеялъул ургъелги бугел, намус бацIцIадго хIалтIулел гьединал квекIеназухъ балагьуларо.
Ахираб соналда кинал хиса-басиялха ккарал Дагъистаналъул маданияталъулъ?

Музей къачIазе квербакъана

Добавил(а): Musa от 26-12-2012, 10:43
"Сумма" къокъаялъе кьучI лъурав Зиявудин МухIамадовас П.С. ХIамзатовалъул цIаралда бугеб Дагъистаналъул суратал рахъиялъул искусствоялъул пачалихъияб музей къачIазе кумек гьабуна. ТIасияб соналда музей гIуцIаралдаса 55 сон тIубала.

Дагъистаналъул рухIияб

Добавил(а): Musa от 12-12-2012, 12:01

бечелъиялъул роцен


 Фазуе — 80 сон 

 

5 декабралда ГIурустеат­ралъул кIудияб залалда маш­гьу­рай шагIир Фазу ГIалиева­лъул 80 сон тIубаялда хурхараб рохалилаб байрам тIобитIана.

"Улка бикъарав - тахида, хоно бикъарав - наразда"

Добавил(а): Musa от 11-12-2012, 14:12
Театралда ритIухълъи чIезабуна

"Сардилъ цIогь". Гьединаб цIаралда гъоркь цIияб спектакль бихьизабуна Авартеатралъ.
Пуланав чи (ГIабдухаликъ ГIабдухаликъовас роль хIалев герой) вуго кIудияб тукадул директорасул заместитель. Гьев щибаб сордойил рокъове кватIула - "хIалтIи гIемерлъиялъ". Рокъой хутIула гьесухъ урхъарай лъади - гIолохъанай, берцинай, сабурай. Божуда рекIкI гьабуларей, гьей росасда ракIгурхIун йикIуна: "Гьав - сардил макьу тун хIалтIулев, цогидалин абуни, кеп-гIоркьалда!" абун. Амма директорасул замасул тIубанго батIияб "хъулухъалъ" бикъулеб букIуна сардил рахIатаб макьу: цин тукадул кассиргун, цин берцинай Цицалгун рокьи-кьалалда вугев гьесда лъадухъе нух чанго нухалда кIочон батула.

Басрияб цІунана, цІиябги гІуцІун

Добавил(а): admin от 28-08-2012, 04:26

МагІарулазул цагъур ва лулбиМагІарулазул цагъур ва лулби Туризм цебетІеялъе ресал ралагьулаго


Ахираб заманалда республикаялъ кIвар кьолеб буго туризм цебетІеялде ва гьелде аслияб нухлъун тIаса бищун буго Дагъистаналъул гІемермиллатазулаб культура. ГІемерал харжалги тІад хвезарун ургъулел ва гIумруялде рахъинарулел руго туристал республикаялде цІаялъе батІи-батІиял проектал. Амма кІудияб гъираги гІемерал планалги рукІаниги, жакъа къоялде цогІаги проект гІумруялде бахъун гьечІин абизе бегьула.

Искусствоялъул гIадамал. «БагIар мачуязда чилайги угьун…»

Добавил(а): admin от 24-08-2012, 03:17
ГIайшат ТажудиноваГIайшат Тажудинова АхIулеб буго ГIайшат Тажудиновалъ

Щал гьел рукIаниги, кочIохъанасул, ялъуни кочIохъаналъул цIар рехсолеб рагIарабго, нилъеда церечIола жалго гьел  махщелчагIиги, хIисаб гьабула гьез гьаракь биччалеб куцалъулги бакъан тIамулеб къагIидаялъулги. Гьелдаго цадахъ рекIелъе лъугьуна, яги лъугьунаро гьезул  церерахъиналъул асарги". "АхIулеб буго ГIайшат Тажудиновалъ", - ан абулеб рагIарабго, гьеб асар цин рекIелъеги лъугьун, цинги щибаб бидурихьалъулъеги ун, унго-унголъунги би гьалдезабула.

 

ЦIумур бан чилулеб бацIцIадаб, иццул гIадаб роцIараб гьаракьалда гьелъ "БагIар мачуязда чилайги угьун…" яги цогидал кучIдул ахIулел рагIараб мехалда, битIахъего черхалда гъаргъар базабула.


Назад Вперед
Наверх

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!