Сделать домашней|Добавить в избранное
 
на правах рекламы

XX гIасруялъул Гомер

  • Версия для печати
Добавил(а): Musa от 30-05-2014, 15:11
Щибаб соналъ Хасавюрт шагьаралда СагIидбег Даитовасул цIаралда бугеб исламияб университеталда тIоритIула гIолохъанал гIалимзабазда ва хIафизазда гьоркьор къецал

Исанаги гьединал къецал тIоритIана дагьал церегIан къоязда. Кидаго гIадин, къецал тIоритIана лъабго бутIаялда: гIелмуялъул, рекIехъе Къуръан цIалиялъул ва битIун как баялъул рахъалъ. Къецазда гIахьаллъи гьабуна Россиялъул батIи-батIиял регионаздаса исламиял цIалул идарабазул тIалибаз.

 

Дагъистаналъул муфти, шайих АхIмад-хIажи ГIабдулаевасул рахъалдасан данделъаразе салам кьун кIалъарав муфтиясул тIоцевесев заместитель Магьди-хIажи МутагIиловас тIадегIанаб къимат кьуна къецазул гIуцIиялъе ва иналъе. Бусурбаби цолъиялде, гьезул рагIи дандеккей букIине ккеялде буссараб кIалъай гьабуна Хасавюрталъул мэр Сайгидпаша ГIумахановас.


КIалъазе вахъарав Москваялъул исламияб университеталъул ректорасул кумекчи, Россиялъул муфтияталъул гIолилазул советалъул председатель ХIизбула Асуевас Сайгидпаша ГIумахановасе кьуна Россиялъул муфти Равил ГIайнудиница битIараб Къуръан, С. Даитовасул цIаралда бугеб университеталъул ректор ГIисалав ГIисалаевасе абуни, баркалаялъул кагъат ва сайгъат.

 


Къецалъул хIасилал гьарун хадур, как баялъул рахъалъ тIоцебесеб бакI кьуна Губденалдаса ХIасанов Темирханица. КIиабилеб бакI щвана Губденалъул мадрасаялда цIалулев ГIабдулаев МухIамадкамилие, лъабабилеб бакI - Кочубеялдаса Сайпудинов МухIамадхIабибие.
РекIехъе Къуръан цIалиялъул рахъалъ тIоцебесеб бакI щвана ЦIияб Костекалдаса хIафиз Рабаданов Мурадие. КIиабилеб бакI ккуна Губденалдаса Илясов ГIабдулахIажица, лъабабилеб - Уллу-гIая росдал мадрасаялъул мутагIил МахIмуджанов Шохрухица.
Исламиял гIелмаби лъаялъул рахъалъ бергьенлъи босана Хасавюрталъул СагIидбег Даитовасул цIаралда бугеб исламияб университеталъул тIалиб Багьавдинов МухIамадгIалица. Гьев ккола Болъихъ районалъул Гъодобериса. КIиабилеб бакI ккуна Дагъистаналъул исламияб университеталда цIалулев Темирбулатов ГIабдулагьица, лъабабилеб бакI - Москваялъул исламияб университеталдаса Расулов ХIадисдибирица.


Бергьенлъи босаразе ва призалъулал бакIал ккуразе кьуна сайгъаталги. Масала, гIелмуялъул рахъалъ тIоцебесеб бакIалъе бихьизабун букIана Volkswagen Polo автомашина, кIиабилеб бакIалъе - 2000 доллар ва компьютер, лъабабилеб бакIалъе - 1000 доллар ва компьютер.
ХIифзалъе: тIоцебесеб бакI - 4000 долларги Къуръанги, кIиабилеб бакI- 1000 доллар ва компьютер, лъабабилеб бакI - 500 доллар ва тIахьал.


Как баялъе: тIоцебесеб бакI - 1500 доллар ва Къуръан, кIиабилеб бакI - 800 доллар ва тIахьал, лъабабилеб бакI- 400 доллар ва тIахьал.
Гьединго, финалалде ворчIарав щивасе (кинавниги 21 чи) кьуна нус-нус доллар.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!