Сделать домашней|Добавить в избранное
 
Главная » Новости - ЦIиял харбал » ЦIулал устарасул накъишал
на правах рекламы

ЦIулал устарасул накъишал

  • Версия для печати
Добавил(а): Musa от 11-02-2014, 11:12
 Расул ХIамзатовасул цIаралда бугеб Миллияб библиотекаялда тIобитIана Казбек районалъул Гуни росулъа цIулал устар, Багьавудин Дадаевасул "Дир Салатавия" абураб выставка
 

    Дагъистан кидаго машгьураб букIана прикладнияб искусствоялъул цебетIураб ракь хIисабалда. ЦIулал тIагIалаби гьари ккола республикаялда ругел ва  рукIарал махщелазул аслиязул цояблъун. Фабрикаялда гьабулеб цIулал къайи гIемераб буго жакъа. Гьединлъидал, жидецаго цIулал тIагIелал гьарулел устарзабазул хIалтIабаз асар гьабула. Гьединазул цояв ккола Багьавудин Дадаевги. Гьесул эмен ХIажимухIамадги вукIана цIулал устар ва жиндирго махщалиде васги ругьун гьавуна гьес.

 

 

 

  Жакъа Багьавудинил хIалтIаби ратула Казбек районалда, МахIачхъала шагьаралда, Чачан Республикаялда рагьарал республикаялъулал ва районазулал выставкабазда. Абизе ккола, Багьавудинил къайиялда накъишал гIемерал гьечIо, гьесул тIагIелал ратIарахъизе лъалеб цоги хасаб гIаламат буго. Устарас хIаракат бахъулеб буго гIадатияб къагIидаялъ цебе киназго гьабулеб букIараб куцалда тIагIел гьабизе. Амма гьесул хIалтIаби цогидазда релълъарал гьечIо.
    Выставкаялда лъун букIана 800 батIияб тIагIел. Гьенир рукIана рукъалъул къайи, батIи-батIияб тайпаялъул бакIал, столал, бакънал рачунел алатал, этажеркаби, подставкаби,  хъуби, сахIал, цIам балел жал, гъудал-гIучIал, хинкIбахъ, хIарччал ва гьел гурелги цогидалги тIагIелал.


    Багьавудинил киналго тIагIелал руго жакъаги рокъор хIалтIизаризе бегьулеллъун. Гьесул хIалтIабазулъ жубан буго цебесебги гьанжесебги заман. Гьединаб къайи искусствоялъул асарлъун ва заманалдасан унго-унгояб антиквариатлъун лъугьуна. Багьавудин Дадаевас бицана гIумруялъго гьеб махщел кодоб букIаниги, гIага-божаразе хIажатаб тIагIел-алат гьабун гурони, гIарцухъ бичизелъун хIалтIи гьабичIин.
    Выставкаялде рачIаразда Багьавудиница бихьизабуна цIулал алатал гьарулеб куц, жиндирго махщел. Гьенире рачIаразе кочIолаб сайгъат гьабуна "Арбабаш" фольклорияб ансамблялъги. 

Газета №: 5, от 7 февраль 2014г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!