Сделать домашней|Добавить в избранное
 
Главная » Конкурс » «Къарумил боц1и»
на правах рекламы

Оцените конкурсную работу по 5 бальной шкале

1
2
3
4
5

«Къарумил боц1и»

  • Версия для печати
Добавил(а): progman от 19-11-2013, 01:32

Огь нуж, гьаб г1умрудул берцинлъи лъач1ел,  
Рач1а Гуниялде, их щун хадуса,       
Ч1аго дунялалда алжан бокьарал,                                                     
Салатавиялъул муг1рузде раха…                   
             Сидрат Айтемирова      

Салатавия – гьеб ккола Дагъистаналъул Севералдег1ан къараб, лъараг1лъиялде г1агараб муг1рузул бут1а. Гьелъул тарихалъул бицине ккани, къоги г1еларо, машгьурал г1адамазул хъвазе ккани, томал лъугьина, т1абиг1аталъул берцинлъиялъул х1акъалъулъ хъвазе ккани, авар мац1алда ругелщинал раг1абазул къадар г1еларо, гьелъул т1абиг1аталъул сурат бахъизе ккани, Рафаэлил кверзукь бугеб  пероялъукь дунялалда ругелщинал кьерал лъуни, гьебмехалъги щаклъизе бач1уна гьаб берцинлъи къалмида загьир гьабизе к1веялда. Гьединаб х1икматаб берцинлъи  буго Салатавиялъул муг1рузул. Амма дие бокьун буго гьеб берцинлъиялда жаниб х1икмалъилъун бихьулеб «Къарумил боц1ул» х1акъалъулъ бицине.

Дир г1агараб росдада цере эхетун ругел Салатавиялъул муг1рузул ахалъуда буго «Тегенто» мег1ер. Гьеб буго риидал г1и-боц1и хьихьулеб, хасалие г1и-боц1уе хер х1адурулеб бак1. К1удадал биценалъ г1емер бихьараб «Къарумил боц1ул» х1акъалъулъ дида г1емер раг1ун бук1ана, амма т1оцебе бихьизе к1удадаца вачиндал, ях1 гьабизе к1веч1ого:  
 «Киб бугеб «Къарумил боц1и?», - ян гьикъана дица, «Тегенто» мег1ералъул борхалъудасан г1ебедеги валагьун. «Ахсуялдаги Иманг1алил росуялдаги гьоркьор ругел дол харил муч1дул рихьулищ?», - ан гьикъана к1удадаца. «Доле дол харибак1алъ бегун буго ганч1иде сверараб Къарумил боц1и», - ян тIаде жубана гьес. Дун г1ажаиблъана. Маргьуян дида ккун бук1араб бицен унго-унголъунги ганч1иде сверараб боц1ул сипатлъун цебе ч1ана. Х1акъикъаталдаги, т1ад ц1ах1илаб зобги сверухъ харил сагабиги гурони гьеч1ел гьал муч1дузде цох1о Аллагьасул х1алк1веялдалъун гурони гьал ч1ах1иял ганч1ал ккезе рес гьеч1еб х1икматаб бицен ц1идасанги байбихьана к1удадаца.  
«Гьаб лъугьа-бахъин ккана цебе заманалъ, Дагъистаналда ислам т1ибит1изабулел г1асрабаз. Гьел ккола 7-14 г1асраби. Гьаб т1алъиялда гьеб заманалда вук1ун вуго цо кутакалда бечедав, амма къарумлъиялъ жиндир ц1ар т1ибит1араб цо чи.  Гьесул боц1ул ц1ун рук1унаналиа гьал цере ругел муч1дул. Доб заманалда ислам т1ибит1изабизе рахъ-рахъалде хьвадулел рук1ун руго вали, шайих мах1ал г1адамал. Аллагьас х1албихьизелъун вук1ун ватила, дов бечедав чиясда рещт1ун вуго гьездасан цо бусурманав чи. Гьоболасул х1урматалда Къарумица хъун буго кету, боц1уда квер хъвазе барахщун. Гьобол рохъоса къват1иве лъугьаравго, гьесул рукъ-бак1,боц1и-панз Аллагьас ганч1иде сверизабун буго.
Бихьулищха, бет1ергьанас х1албихьизелъун кьун бук1ун буго Къарумие бечелъи, гьелде т1адеги гьесие абадиялъго къала алжаналъул каваби, щайгурелъул алжан насиб гьабула Аллагьас сахаватазе», - ян лъуг1изе тана к1удадаца жиндирго бицен.
Г1абдулаев Камал,
 7-абилеб классалъул ц1алдохъан.
Муг1алим: Айтемирова Сидрат Назирдиновна.
К.Г. Нуцаловасул цIаралда бугеб МБОУ «Гимназия культуры мира»





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!