Сделать домашней|Добавить в избранное
 
на правах рекламы

Чуял тIами

  • Версия для печати
Добавил(а): Musa от 13-05-2013, 13:25

ГIабдубасиров МухIамадтIагьир ракIалде щвеялъул хIурматалда

 

КIиабилеб маялда Болъихъ районалъул АнсалтIа росулъ машгьурав жамгIиявгун политикияв хIаракатчи ГIабдулбасиров МухIамадтIагьир ракIалде щвезавиялъул хIурматалда чуял риччаялъул къецал тIоритIана. Гьелдаго цадахъ миллияб спорталъул къецалги гIуцIун рукIана.

 

Рекеризе риччан рукIана Дагъистаналдаса ва Чачаналдаса бищун цIакъалин рикIкIунел чуял. Гьелъухъ балагьизе вачIана азаргоялдаса цIикIкIун чи.


Ихдалил байрам тIаде щвей ва къецал тIоритIи жамагIаталда баркулаго, районалъул нухмалъулес М. ГIабдулбасировасул гIумруялъул ва жамгIиябгун политикияб жигарчилъиялъул бицана. "Кьураб рагIи кколев, гIакъилав, захIмат бокьиялъ къадруяб цIар тIибитIарав чи вукIиналъ республикаялъул тIалъиялъго хIурмат гьабулаан МухIамадтIагьирил", - ан абуна М. ПатхIулаевас.


Рекеризе риччалел чуял лъабго бутIаялде рикьун рукIана. ТIоцебесеб къокъаялда ругел чуяз нахъа тезе кколаан ичIго свери. Гьеб манзил тIоцебе бахана АнсалтIаса ГIубайдулаев Рамазанил чоца. КIиабилеб бакIалде бачIана Чачан республикаялъул Ножай-Юрт районалдаса Къадаев Рашидил чу.


Къецазул кIиабилеб бутIаялда бахине кколаан анкьго свери. ТIоцебесеб бакI ккуна АнсалтIаса Мухтаров ХIажимурадил чоца. КIиабилеб бакIалъе мустахIикълъана Болъихъа Агъларов Шамилил чу. Гьебго манзилалда рекеризе риччарал чуязул кIиабилеб къокъаялда гьоркьоса тIоцебе чIел босана Гъагъалъ росулъа Гойтиханов СагIид тIад рекIараб чоца. КIиабилеб бакI щвана Шодродаса ШагIбанов Зайнудинил чуялъе.


Лъабго свери бахиналъул къецазулъ бергьана АнсалтIаса ГIубайдулаев Рамазанил чу. Унсоколо районалдаса МухIамадов ГIабдулал чу кIиабилеб бакIалъе мустахIикълъана.


Чуял тIамиялъул къецаздаса хадуб гамачI рехиялъулъ, бакIлъи борхиялъулъ, рекериялъулъ ва миллияб гугариялъулъ гIахьаллъана бихьиналгун руччаби.

Газета №: 18, от 9 май 2013г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!