Сделать домашней|Добавить в избранное
 
Главная » Новости - ЦIиял харбал » Гьанже щиб камун бугеб?
на правах рекламы

Гьанже щиб камун бугеб?

  • Версия для печати
Добавил(а): Musa от 28-03-2013, 16:09

 300 цIараки бугеб росулъ

200 газета хъвалаан

 

Гьеб букIана почалъул мухъилъ дун хIалтIулеб 1968 сон. Щибаб росдал идарабаз газетал ва журналал хъваялде кIвар кьолаан, нагагьлъун гIарац гьечIин чIарав чи ккани, гьесие колхозалъул кассаялдаса къарзалъе кьолаан гIарац. "БагIараб байрахъ" газета хъвалаан, гIолохъабаз гуребги, пенсиялда ругезги.

 

 

   Щибаб къоялъ, цохIо базаркъо хутIун, росулъе рачIунаан почалъул цIиял  харбаз цIурал къандалъаби ва почтальоналъ щибаб рокъобе щвезабулаан гьеб. Дица бицен гьабун тела гIицIго МигIарсо росдал. ГодекIанир данделъаразе агитаторас цIалулаан магIарулазе бищун хирияблъун букIараб "БагIараб байрахъ".

 

 

   ЦIалиларебги кинха, цIакъ гьайбатал  темаби ралагьулел рукIиндал газеталъул мухбирзабаз. Гьел щолел рукIана щибаб районалъул гъутабазде, дандчIвалаан боцIухъабигун, хурухъабигун. Гьениса гьез рачIунаан лъикIал механизаторазул,  дояркабазул хIакъалъулъ хъварал репортажал. Росдал захIматчагIазе "Гьикъе бицина" рубрикаялда гъоркь, суалазе жавабал рачIунаан щибаб номералда. 1968-1970 соназда МигIарсо росулъ букIана 300-гIанасеб цIараки. Росулъе бачIунаан 200-ялде гIунтIун газета.

 

 

  Щайха магIарулаз гьанжесеб "ХIакъикъат" газеталде букIине кколедухъ кIвар кьоларого бугеб?  Гьеб хъвачIого ва цIаличIого тей магIарул яхI-намусалде дандекколаро. Гьединлъидал, дица щивав чи ахIула "ХIакъикъаталъе" подписка гьабизе.

 

 

   1968 соналда 200 "БагIараб байрахъалъе" подписка гьабулеб букIараб МигIарсо росулъ "ХIакъикъат" газеталъул 10 экземплярцин исана хъван гьечIо. Киреха арал магIарул мацIалъул дарсал кьолел учительзаби? Росулъ буго щуго идара, администрация, школа.

 

 

   Воре, гьудулзаби, "ХIакъикъат"  газета хъвазе гIамал гьабе, гьелъ нужер къадру гIодобе кколарин. МагIарул газеталъул тираж цIикIкIарабгIан Дагъистаналда жаниб  магIарулазул гъункиги щулалъила, нужее щолелда баркатги лъела.

Автор: С. ЖАМАЛУДИНОВ

Газета №: 11, от 22 март 2013г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!