Сделать домашней|Добавить в избранное
 
на правах рекламы

Баркула

  • Версия для печати
Добавил(а): istina от 13-06-2017, 09:46
Россиялъул къо

ХIурматиял дагъистаниял! Баркула нужеда пачалихъияб байрам - Россиялъул къо!
27 соналъ цебе Россиялъ тIоцебе рагIун лъазабуна демократиялъул къагIидабазе ритIухъаблъун букIиналъул, инсанасул ва гражданазул ихтиярал цIуниялъул ругел тIокIлъабазул, хIалхьараб, киналго шартIал ругеб гIумру гьабиялъе щивав чиясул ихтиярал рукIиналъул хIакъалъулъ.
ЦебетIеялъул бигьаяб гуреб нухги нахъа тун, нилъеда цIунизе кIвана цолъи, щула гьаризе кIвана пачалихъиял институтал, гIуцIизе кIвана социалиялгун экономикиял цIигьариялъе кьучI.
Дагъистан ккола Россиялъул Федерациялъул тIей гьечIеб бутIалъун. КIудияб улкаялъул цогидал халкъазгун цадахъ нилъехъа бажарула цоккураб ва хIинкъи гьечIеб хIалалъ гьеб улка цебетIеялъе гIоло бищунго захIматалги масъалаби тIуразаризе.
Гьарула нужее рекъел, икъбал, Дагъистан ва Россия церетIеялъе гьабулеб хIаракатчилъиялъулъ хадурккунги бергьенлъаби!

Социалияв хIалтIухъанасул къо

Республикаялъул халкъ социалияб рахъалъ цIуниялъул органазул ва учреждениязул хIалтIухъаби, ветеранал! Баркула нужеда социалияв хIалтIухъанасул къоялъул байрам. 
Социалияб рахъалъ халкъ цIуниялъул бутIа жакъа буго цIиял реформаби гьариялъул байбихьуда. Гьел хиса-басиял бергьенлъиялда гIумруялде рахъинариялъе гIицIго тIадегIанаб махщалилаб хIадурлъи гуребги, хIажалъула социалияб хъулухъалъул хIалтIухъанасул хIаракатчилъи ва гьабулеб ишалъул хIакъикъияб пайда букIине бугеблъиялда божилъи. Нилъер республика кидаго бечедаб букIана муруватлъи бугел, ракIгIатIидал ва цогидазе кумекалъе хIадурал гIадамаздалъун. 
ХIурматиял хIалтIухъаби! Нуж кумекалъе рачIуна бищунго цIикIкIун гьеб хIажатазе - рахъккола херал гIадамазул, инвалидазул, ветераназул, лъикIаб гуреб ахIвал-хIал бугел хъизамазда гьабула профилактикияб хIалтIи, тIалаб-агъаз гьабула эбел-инсуца рехун тарал ва бесдал лъималазул. Гьединазе нуж кидаго лъугьуна бищунго гIагарал чагIилъун. РакIчIарав вуго нужер махщалилаб лъаялъ ва хIалбихьиялъ гьеб рахIмуяб хъулухъ тIубазабизе хадубккунги нужее кумек гьабизе букIиналда.
Гьарула нужее гьабулеб ишалъулъ бергьенлъи!

Р. ГIабдулатIипов, 
Дагъистан Республикаялъул бетIер

 

Халкъазул цолъиги цадахъаб жавабчилъиги

Россия - хирияб, гьайбатаб ВатIан,
Россия - бокьулеб кьолболаб улка. 
Бергьараб къуватги къин гьечIеб реццги -
Дуе хасиятаб абадиялъго!
Гьедин байбихьулеб буго нилъер гьайбатаб улкаялъул Гимн. Гьеб улкаялъе кьучI лъуна 1990 соналъул 12 июналда букIараб РСФСРалъул халкъиял депутатазул тIоцебесеб съездалъ къабул гьабураб пачалихъ жибго жиндаго чIараблъун лъазабураб декларациялъ. Гьеб ккола Россиялда гIумру гьабун бугеб 193 миллаталъе кIвар бугеб тарихияб лъугьа-бахъин. Гьелда жаниб бихьизабун буго улкаялъул кьучI, магIна - халкъазул миллияб цолъи ва цадахъаб жавабчилъи. Чияда бараблъун гьечIолъиялъе нугIлъун бугеб гьеб кагътида бижун бачIана нилъер пачалихъалъул Россиялъул Федерация абураб цIияб цIарги. Гьеб букIана Россиялъул пачалихъияб гIуцIарухъанлъиялъулъ цебехун лъураб щулияб гали. Гьединлъидал, Россиялъул Федерациялъул ТIадегIанаб Советалъ гьабураб хIукмуги кьочIое босун, 1998 соналъул 12 июналда халкъалдехун гьабураб хитIабалда Борис Ельциница абуна гьеб къоялда "Россиялъул Къойилан" цIар тезе бугилан. Гьелдаса нахъе гьеб цIар лъугьана нилъер байрамалъе официалияблъунги. Гьеб къоялъ тIолабго улкаялдаго тIоритIула байрам кIодогьабиялъул данделъаби, рохалилал дандчIваял, концертал ва цогидалги тадбирал.
Жакъа Россия ккола гIемермиллатазул щулияб, къуватаб  ВатIан. Гьелъул пикруялъухъ  гIенеккула дунялалъул улкабазул нухмалъулел.   
Дагъистаналъул къисматги щулаго бухьараб буго Россиялъул гIумруялда.
ГIасрабаз цереккун лъугьарал гьел гьоркьорлъаби къойидаса къойиде щулалъулелги руго, ва жакъа Дагъистан ккола, Россиялъул цогидал республикабиго гIадин, ихтиярал бащадаб бутIалъун.
Нилъ жакъа рохизе ккараб хIужа буго Советияб Союз биххиялде данде вукIарав, Россиялъул цолъи цIунун Федеративияб къотIи хIадур гьабиялъулъ гIахьаллъи гьабурав Рамазан ГIабдулатIипов нилъер ватIанцояв вукIинги.
Нилъер тарихалъул халгьабидал, лъикIаблъун бихьулеб буго нилъер халкъазул гIурус миллаталъулгун гьоркьоблъи букIин, гIурус халкъалъ нилъер экономикияб ва культурияб рахъ цебетIезабиялъе кIудияб кумек гьаби.
Россиягун цадахъ ругел кIинусгоялдаса цIикIкIун соназ цебетIуна нилъер халкъазул гIелму, борхана гIумру гьабиялъул даража.
Дагъистаналда гIуна аза-азар гIалимзаби, рахъана академикал ва Россиялъул пачалихъалде рокьи-гьуинлъиги бугел гIемерал гIелал. Жакъа нилъер руго 75 Совет Союзалъул БахIарчи, 104 Социалистияб захIматалъул БахIарчи, 35 Россиялъул БахIарчи, 9 Ленинил премиялъул, 14 - Сталинил, 45 - СССРалъул, РСФСРалъул ва Россиялъул пачалихъиял премиязул лауреатал.
Нилъеда бичIчIула гIицIго гьадинаб демократияб улкаялда гурони рес букIинчIеблъи жидерго гIакълу-лъаялдалъун ва бахIарчилъиялдалъун кIудияб Россиялъе кумек гьабизе бажарулел гьитIинал миллатазул Амаев ГIамир, Акаев Юсуп, ХIасанов Генрих, ХIамзатов Расул, Капланов Мурад, ХIажиев МухIамад, Мусаев СагIаду, Эмиров Валентин, ГIаливердиев ГIаливерди гIадал ва гьел гурел гIемерал цогидалги махщел ва гьунар бугел вакилзаби рижизе. Гьездаса чIухIула тIолабго Россия.
Дунялалдаго ахIвал-хIал хIалуцараб гьаб заманалда нилъеда бихьулеб буго кигIан гIемераб хIалтIи гьабизе кколеб бугеб Россиялъул Президентасул ракълилаб нухккун церехун иналъе ва улкаялда жаниб гIумру гьабиялъул даража лъикIлъизабиялъе. Россиялъул цо бутIа хIисабалда нилъецаги гьеб ишалъулъ жигараб гIахьаллъи гьаби - гьеб ккола нилъерги кIвар цIикIкIараб борчлъун. Гьелдаго цадахъ Дагъистаналъул халкъазда гьоркьоб гъунки букIинабиги ккола нилъер аслияб масъалабазул цояб. 
Зикрула Ильясов


Автор: ФИО или фамилия и инициалы автора

Газета №: 22, от 9. 06. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!