Сделать домашней|Добавить в избранное
 
Главная » Спорт » Бергьараб команда гIахьаллъизе буго регионазда гьоркьосел къецазда
на правах рекламы

Бергьараб команда гIахьаллъизе буго регионазда гьоркьосел къецазда

  • Версия для печати
Добавил(а): istina от 9-06-2017, 09:44
Ункъабилеб июналда республикаялъул ДЮСШалда байбихьана 2006-2007 соназда гьарурал лъималазул командабазда гьоркьоб "Локобол - 2017 - РЖД" абураб лъималазул футболалъул рахъалъ халкъазда гьоркьосеб фестиваль. Гьеб тIобитIулеб буго машгьурав  пачалихъияв ва жамгIияв хIаракатчи ХIамид ХIамидов ракIалдещвеялъе ва лъимал  цIуниялъул Халкъазда гьоркьосеб къоялъул хIурматалда. 
Къецал гIуцIана ДРялъул Лъайкьеялъул ва гIелмуялъул министерствоялъул, ДРялъул "РДЮСШ" ДО ГБУялъул, МахIачхъалаялъул администрациялъул спорталъул, туризмалъул ва гIолилазул ишазул рахъалъ комитеталъул ва ДГТУялъул администрациялъул хIаракаталдалъун.
Фестивалалъул гьалбаллъун рукIана ДРялъул Халкъияб  Собраниялъул председатель Хизри ШихсагIидов, Дагъистаналъул лъайкьеялъул ва гIелмуялъул министр ШагьгIабас Шагьов, МахIачхъала шагьаралъул бетIерасул тIоцевесев заместитель ГIабдулмуъмин Ибрагьимов, Халкъияб Собраниялъул депутат Сиражудин ХIамидов. Фестивалалде ячIарай цоги гьоболлъун йикIана ТIолгороссиялъул полиотлоналъул федерациялъул комиссиялъул член ва Северияб Кавказалъул миллатазул гьоркьорлъабазул рахъалъ эксперталъулаб къокъаялъул нухмалъулей Алена Добыко. Дагъистаналъул парламенталъул спикерас гIахьалчагIазда баркана фестиваль рагьи.
"ХIамид ХIамидовас хIаракаталда рахъкколаан спорталъул, хасго бокьулаан футбол. Щибаб соналда гьев ракIалдещвеялъе тIобитIула эркенаб гугариялъул рахъалъ турнирги, ва Дагъистаналъул цIар рагIарал гугарухъабилъун рахъарал гIемерисел гIолилаз кIудияб спорталде жидерго нух байбихьана гьеб турниралдаса. Фестивалалъул киналго гIахьалчагIазе гьарула икъбал ва рукIинесел футболистазе гьаб турнир цIиял бергьенлъабазде церехун туркIилъун лъугьин", - ан абуна спикерас.
Хадуб байбихьана хIалуцарал хIаял. Бищунго лъикIаб команда абураб цIаралъе гIоло къеркьолел руго МахIачхъалаялдаса, ЦIияб Хушеталдаса, Каспийскаялдаса, Избербашалдаса, Дербенталдаса, Гъизилюрталдаса, Буйнакскалдаса, Хасавюрталдаса командаби. Гьениб бергьараб команда гIахьаллъизе буго регионазда гьоркьосеб фестивалалда, гьенибги бергьани, гьеб букIине буго Москваялда тIобитIизе бугеб тIолгороссиялъулаб "Локобол" турниралда нилъер республикаялъул вакиллъун.

Автор: ФИО или фамилия и инициалы автора

Газета №: 22, от 9. 06. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!