Сделать домашней|Добавить в избранное
 
Главная » Новости - ЦIиял харбал » СМИязул масъалаби
на правах рекламы

СМИязул масъалаби

  • Версия для печати
Добавил(а): istina от 2-06-2017, 10:28
XVIII гIасруялдаго ГIурадаса Ибрагьимица ГIаймакиса Абубакариде  хъвараб ва нилъер заманалда газеталда бахъун букIараб кочIолъ буго:
Дица гIалам ахIула 
           гьудуллъи-вацлъиялде,
Цадахъ рекъон гьабулеб 
            гьуинаб гIумруялде.
ГIакълуялъул тIогьода 
            гьарзаяб пихъ бижула,
ГIелмуялъул иццухъан
      тIокIкIараб лъим чвахула. 
Гьедин, доб некIсияб заманалдаса байбихьун, инсанасе битIараб тарбия кьеялъул суалал кидаго хасияталлъун рукIана магIарул гурелги, цогидал халкъазул газетазеги. Дагъистан гIадаб гIемерал мацIазда газетал, журналал къватIире риччалеб бакI Россиялда батизе захIмат буго. Нилъер республикаялда 14 мацIалда рахъула гьел ва халкъалъухъе щвезарула. Щибаб газет-журналалъул руго  жиндаго церечIарал масъалабиги. Гьезул цоял ккола халкъалъул культура борхизабиялъул ва инсанасе тарбия кьеялъул рахъалги.
Гьединлъидал батIи-батIиял миллатазул мацIазда риччалел газетаз, телевидениялъ, радиоялъ тарбия кьеялъул суалаздехун буссинабула кIудияб кIвар. Узухъда, жакъа республикаялда гьеб хIалтIи гIураб даражаялда гьабулеб бугин абизе захIмат буго. Щайгурелъул рекъечIеб гIамалги, къабихIал ишалги, жахIда-хIусудалъул мисалалги дагьал гьечIо нилъер гIумруялъулъ. Гьал къоязда гьел суалал гьоркьор лъун рукIана Халкъияб Собраниялда тIобитIараб данделъиялда. Гьенир гIахьаллъи гьабурал республикаялъул печаталъул ва информациялъул министр Рашид Акавовасги, ДРялъул бетIерасул гIакълучи Зубайру Зубайруевасги, Дагъистаналъул Журналистазул союзалъул председатель ГIали Камаловасги, "Дагъистан" РИАялъул агентствоялъул директор МухIамад ГIалиевасги, Халкъияб Собраниялъул миллиял гьоркьорлъабазул, жамгIиял ва диниял ишазул комитеталъул председателасул заместитель Людмила Авшалумовалъги  бицана республикаялъул информациялъул алатаз гьеб рахъалъ гьабулеб бугеб хIалтIул хIакъалъулъ.
Жакъа кIвар цIикIкIараб хIалтIилъун  ккола гIолилазе тарбия кьей. Аслияб куцалда гьеб хIалтIи камил гьабизе ккун буго школазда, тIадегIанал цIалул идарабазда. Масъалалъун лъугьун буго газеталда хъвараб, телевизоралдаса бихьизабулеб гьезухъе щвезаби, щайгурелъул гьел, аслияб куцалда, интернеталда, социалиял гьиназда рукIунелъул.  Гьединлъидал жакъа газетазда хъвалебги, телевизоралдаса бихьизабулебги, радиоялъ кьолебги букIинабизе къваригIун буго гIолилазе цIализе, гIинтIамизе, бихьизе бокьулеблъунги гьел кантIизарулеблъунги.
Хасго хIажат буго информациялъулал алатазда хъвалелдаги бихьизабулелдаги жаниб халкъазда гьоркьоб гьудуллъи щула гьабиялде, терроризмалде дандечIеялде ахIулеб асар  букIинабизе.
Зикрула Илясов

Автор: Зикрула Ильясов

Газета №: 21, от 2. 06. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!