Сделать домашней|Добавить в избранное
 
Главная » Религия - Дин ва гIумру » "Муслимат" руччабазул гIуцIиялда тIобитIана рекIехъе Къуръан цIалиялъул къец
на правах рекламы

"Муслимат" руччабазул гIуцIиялда тIобитIана рекIехъе Къуръан цIалиялъул къец

  • Версия для печати
Добавил(а): istina от 2-06-2017, 10:13
ГIемер хъвала газетазда "Муслиматалъул" лъикIал ишазул, гIолилясазе, руччабазе гьениса щолеб берцинаб тарбиялъул  хIакъалъулъ. РухIияб берцинлъиялъул школа. Гьеб ккола "Муслиматалъул" ракIги рухIги. Санайил гьенир тIоритIула рухIияб берцинлъиялъул къецалги. Гьединазул цояллъун ккола Къуръаналъул жузал рекIехъе цIалиялъул къецал. Гьединал тадбираз куцала инсанасулъ лъикIлъи ва гьелъ хвасар гьарула квешабщиналдаса. Гьединаб мурадгун исанаги данделъун рукIана "Муслиматалъул" къецазде. Исана гьелда гIахьаллъана 53-гоял. Гьезул бищунго гьитIиналъе букIана лъабго сон. Гьей ккола Болъихъ районалъул Кьохъа.
Къецал тIоритIана ункъо  номинациялда: "ГIамма" рекIехъе цIали, Къуръаналъул щуго жузалде щвезегIан рекIехъе цIали, анцIго жузалде щвезегIан рекIехъе цIали, лъеберабилеб жузалде щвезегIан рекIехъе цIали.
ТIоцебесеб номинациялъул хIасилал гьаруна ва тIоцебесеб бакI ккуна ГIаличуева Хатиматица (ТIинди), кIиабилеб бакI щвана Исламова ГIайшатие ("Муслимат"), лъабабилеб бакIалде ячIана Абакарова Зугьайбат ("Муслимат").
КIиабилеб номинациялда бергьана БатIалова Асият (Кьохъ), кIиабилеб бакIалъе мустахIикълъана БатIалова Хадижат (Кьохъ), лъабабилеб бакI кьуна ХIасанова Фатимае (Кьохъ).
Лъабабилеб номинациялда бергьенлъи кьуна ХIажисулаева Марямие (ЦIияб Лак район, Дучи росу), кIиабилеб бакI щвана Сулейманова Таибатие (ЦIияб Лак район, Шушия росу), лъабабилеб бакIалъе мустахIикълъана МаламухIамадова ХIалимат (Кьохъ).
Шамай Хъазанбиева  

Автор: Шамай Хъазанбиева

Газета №: 21, от 2. 06. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!