Сделать домашней|Добавить в избранное
 
на правах рекламы

Юбилей

  • Версия для печати
Добавил(а): istina от 26-05-2017, 10:35
Рокьул къимат лъалел, кьалуй нух къалел,
Кьолбол цIар цIунизе цIадаре унел,
Ирсалъе умумуз гIаданлъи тарал,
Таги сахлъиялда, дир магIарулал.
Гьадинаб букIана 23 маялда Хасавюрталда, "Спартак" Культураялъул кIалгIаялда букIараб Россиялъул Хъвадарухъабазул ва Журналистазул союзалъул член Париза Гереевалъул хъвадарухъанлъиялъул сордоялъул магIна. МугIрул кечI-бакъан, сахаватал гIадамал, тIадегIанаб чилъиялъул миллатцоял, гьудуллъи-вацлъи, роцIараб хъизамалъул талихI, жакъасеб гIумруялда чIвараб кьавулъун кколеб ургъел гьечIолъи - гьел ккола Паризал творчествоялъул аслиял темабилъун. 
Хъвадарухъаналъ адабияталда тараб лъалкIалъул хIакъалъулъ бицана гьудул-гьалмагъзабаз, шагIирзабаз, хъвадарухъабаз, ракьцояз, цадахъ хIалтIулез. Гьез тIадегIанаб  къимат кьуна гъварилъиги пасихIлъиги жиделъ бугел хъвадарухъаналъул асаразе. Байрамалда цIалана шагIиралъул кучIдул. Казбек районалъул Ленинаул росдал гьоркьохъеб школалъул цIалдохъабаз цIаларал кучIдуз пана гьаруна гIенеккарал. Гьединго байрамалде рачIаразул ракIазе кIудияб асар гьабуна гьебго росдал школалъул учитель ГI. ГIумарасхIабовас "Къисмат" абураб Паризал тIехьалдаса цIалараб бутIаялъ. Париза Гереевалъул кучIдузул ва прозаялъул сордо берцин гьабун букIана Хасавюрталъул "МугIрузул дандерижи" ансамблялъул кьурдухъабаз. Гьединго ракьцоялъул рагIабазда кучIдул ахIана Казбек районалъул культураялъул рукъалъул гьунарчагIаз, кочIохъаби Шамил Ханакаевас ва Руслан Имамирзаевас. 
Париза Гереевалъ хъвана ункъо тIехь: "Къисмат", "РекIел чIухIи ва бухIи", "ГIумруялъул лахIзатал", "Дир хIасраталъул цIва". Гьезда ратана жидерго цIалдолел. Паризаца жийго йихьизаюна махщел камилай журналист хIисабалдаги. Гьей хIалтIана "ХIакъикъат", "Чапар" газетаздаги. ГьабсагIаталда хIалтIулей йиго Хасавюрталъул "НасихIат" газеталъул редакторлъун. 

Сундалъун борцунеб гIумрудул талихI,
ГIарац-меседалъищ, гьунар-цIаралъищ?
Щоблъун щиб рикIкIунеб нилъер къоязулъ,
Къуват-бергьенлъийищ, борхараб кверищ?...

Шамай Хъазанбиева

Автор: Шамай Хъазанбиева

Газета №: 20, от 26. 05. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!