Сделать домашней|Добавить в избранное
 
Главная » Спорт » Волейбол
на правах рекламы

Волейбол

  • Версия для печати
Добавил(а): istina от 26-05-2017, 10:15
21 маялда ДРялъул бетIер Рамазан ГIабдулатIиповас гIахьаллъи гьабуна республикаялъулаб волейболалъул фестиваль рагьиялъул тадбиралда. 

МахIачхъалаялда Маркаровасул цIаралда бугеб спортивияб школалъул  базаялда тIобитIулеб гьеб турниралда гIахьаллъи гьабулеб буго 112 командаялъ - азаргоялдаса цIикIкIун чияс. Гьезда гьоркьор руго цIалдохъабиги, министерствабазул ва ведомствабазул хIалтIухъабиги, вузазул ва ссузазул студенталги, Дагъистаналъул волейболалъул ветераналги. Къецал тIоритIулел руго олимпиялъулаб къагIидаялда, гIахьалчагIазул щибаб категориялда гьоркьор батIа-батIаго. Бергьараблъун рикIкIуна партиялда 25 очко щвараб команда. 
Гьеб спортивияб тадбиралда, гIахьаллъараздехун хитIаб гьабун, гьадин абуна Рамазан ГIабдулатIиповас: "Дагъистаниязе цIакъ бокьула спорт ва хасго гьабсагIат цебетIолеб бугеб волейбол. Дагъистаналъул тIасабищараб волейболалъул командаялъе Россиялъул чемпионаталда дагьабго заманалда жаниб щвана тIадегIанал хIасилал ва гьеб  ккана улкаялъул бищунго лъикIаб 24 командаялда  гъорлъе. Гьединго бихьизабизе ккола Россиялъул вузазул командабазда гьоркьор тIоритIарал къецазда тIоцебесеб бакI щвараб Дагъистаналъул пачалихъияб университеталъул командаялъул бергьенлъиги. Нилъер студентазул команда гьанже букIине буго студентазул дунялалъул чемпионаталда Россиялъул вакилзабилъун. Щибаб соналда Дагъистаналъул ветераназул волейболалъул командаялъ тIадегIанал хIасилал рихьизарула улкаялъул чемпионаталда ва кубокалъе гIоло къецазда. Дагъистаналъул волейболалъул буго кIудияб букIинесеб". 
Тадбир тIобитIулаго цо-цоязе кьуна пачалихъиял шапакъаталги. Физкультура ва спорт цебетIезабиялъе гьабураб кIудияб хIалтIухъ ва тIадегIанал спортивиял хIасилазухъ "ДРялда физкультураялъул ва спорталъул бутIаялда рихьизарурал тIадегIанал хIасилазе гIоло" медалал кьуна республикаялъул лъималазулгун гIолилазул спортивияб школалъул директор Александр Маркаровасе, волейболалъул рахъалъ ветераназда гьоркьоб Дагъистаналъул тIасабищараб командаялъул капитан Гъазияв АсхIабовасе, Гъизилюрт шагьаралъул волейболалъул федерациялъул президент Темирхан Темирхановасе.
ДРялъул бетIерасул цIар тIад хъварал сагIтал кьуна ДГУялъул ректор МуртазагIали Рабадановасе, ДГУялъул волейболалъул командаялъул тренер МухIамад Гъайирбеговасе ва командаялъул киналго гIахьалчагIазе - студентазда гьоркьор тIолгороссиялъул къецазул чемпионазе. Гьезие ихтияр щвана Европаялъул студентазул чемпионаталда гIахьаллъизеги.
Хадуб ДРялъул бетIерасул ва турниралъул хIурматиял гьалбазул командабазда гьоркьоб тIобитIана волейболалъул рахъалъ гьудуллъиялъулаб матчги. ХIасил бащадаб ккана.

Автор: ФИО или фамилия и инициалы автора

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!