Сделать домашней|Добавить в избранное
 
Главная » Спорт » Дзюдо
на правах рекламы

Дзюдо

  • Версия для печати
Добавил(а): istina от 24-05-2017, 10:11
13-14 маялда Оренбургалда Европаялъул Кубокалъе гIоло тIоритIарал дзюдоялъул рахъалъ къецазда бергьана ГIиса ГIисаев. Микьабилеб нухалъ Европаялъул Кубокалъе гIоло бихьиназда гьоркьор тIоритIарал гьел къецазда "Оренбуржье" спорткомплексалъул татамиялде рахъана Россиялдаса, Белоруссиялдаса, Молдавалдаса, Армениялдаса, Грузиялдаса, Тажикистаналдаса, Казахстаналдаса, Гъиргъизиялдаса, Монголиялдаса, Австриялдаса, Германиялдаса, Нидерландаздаса, Франциялдаса, Великобританиялдаса ва Канадаялдаса 300 дзюдоист.
Гъоркьисаго гIадин, Европаялъул Кубокалъе гIоло къецазда 66 килограмм цIайиялда исанаги бергьана Дагъистаналъул дзюдоялъул школалъул "къебелъухъ" куцарав ГIиса ГIисаев. Гьеб цIайиялда медалазе гIоло гугарулев вукIана 33 спортсмен. ГIисаевасде вахарав дзюдоист гьезда гьоркьов вукIинчIо. Финалалда дагъистанияв бергьана Россиялъул гIолилазул чемпионаталъул призер Александр Куликовскиясдаса.

 

РечIчIухъанлъи

Ростовалда тIобитIараб журарал единоборствабазул (ММА) рахъалъ Россиялъул чемпионаталда Дагъистаналъул  спортсменазе щвана батIи-батIиял даражабазул 28 медаль. Дунялалъул ва Европаялъул чемпионатазда гIахьаллъиялъе путевкабазе гIоло рингалде вахъана 150 спортсмен. Къецазул хIасилазда рекъон финалалде ворчIана улкаялъул батIи-батIиял регионазул командабазда гъорлъ чемпионаталда гIахьаллъарав Дагъистаналдаса 15 спортсмен. 

Россиялъул чемпионаллъун рахъана: МухIамад Даитбегов (56,7), ХIажимурад Заваев (61,2 кг), ГIабдулмутIалиб Гъайирбегов (65,8 кг), ГIали ГIабдулхаликъов (70,3кг), МухIамад МухIамадкаримов (77 кг), ХIамзат ХирамухIамадов (84 кг) ва Муслим МухIамадов (93 кг). Абсолютияб цIайиялъул категориялда гIарцул медаль щвана, финалалда Анатолий Малыхинидаса къурав, Салимгерей Расуловасе.
ГIарцул медалазе ва Европаялъул чемпионаталде путевкабазе гьединго мустахIикълъана МухIамадрасул ШейхмухIамадов (56,7 кг), Шарапудин МухIамадов (61,2 кг), Наби ГIашурлаев (65,8кг), Исман ГIумаров (70,3 кг), УстармухIамад ХIажидавудов (77 кг), МухIамад Шагьрудинов (84 кг) ва ХIажимурад Баширов (93 кг). Лъабабилел бакIал ва мазгарул медалал щвана: МухIамадхIажи Сиражудиновасе (56,7кг), ГIумар НурмухIамадовасе, Шамил ГIабдулхIамидовасе (кIиявго - 61,2 кг), Рашид Къурбановасе (65,8 кг), ХIажи Рабадановасе, МухIамад ГIабдусаламовасе  (кIиявго - 70,3 кг), Шамил Мусаевасе, Камал МухIамадовасе (кIиявго - 77 кг), МухIамад Умалатовасе, МухIамад Мутаевасе (кIиявго - 84 кг), Шамил ХIамзатовасе, Насрудин Насрудиновасе (кIиявго - 93 кг) ва Ризван Куниевасе (93 килограммалдаса цIикIкIараб цIайи).

 

Автор: ГIабдула Хазамов

Газета №: 19, от 19. 05. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!