Сделать домашней|Добавить в избранное
 
Главная » Спорт » Дагъистаниязе щвана щуго медаль
на правах рекламы

Дагъистаниязе щвана щуго медаль

  • Версия для печати
Добавил(а): istina от 12-05-2017, 10:26
Сербиялъул Нови-Сад шагьаралда тIобитIараб эркенаб гугариялъул рахъалъ Европаялъул чемпионаталда Россиялъул тIасабищараб командаялда гъорлъ гIахьаллъана Дагъистаналдаса гугарухъабиги: Заур Угуев (57 кг), АхIмад Чакаев (61 кг), Иляс Бекбулатов (65 кг), АхIмад ХIажимухIамадов (74 кг), Даурен Куруглиев (86 кг), гьединго Милана Дадашева (46 кг).

Европаялъул чемпионаталда гIахьаллъизе Россиялъул тIасабищараб командаялъул тренераз гьабураб хIукму гьез ритIухъ гьабуна. Чемпионат тIобитIараб тIоцебесеб къоялъ меседил медаль щвана Даурен Куруглиевасе (86 кг). Къеркьей гьесие бигьаяб букIинчIо. Хасго хIалуцараб букIана Европаялъул экс-чемпион, гуржияв Дато Марсагишвилилгун гугари. ДандчIваялъул ахиралда таблоялда бихьизабулеб букIана 2:2 хIисаб. Амма Даурен ахиралде щвезегIан гугарана ва, дандчIвай лъугIизе секундал хутIидал, бергьенлъиялъулал баллал росана. Финалалда Куруглиевас 6:0 хIисабгун ракIчIараб бергьенлъи босана Азербайжаналдаса гугарухъан Александр Гостиевасда тIад ва чемпионлъун вахъана.
57 килограмм цIайиялда гугарулев вукIарав Заур Угуевасда кIвечIо гуржиязул гугарухъанасда тIад бергьенлъи босизе. Цевеги Европаялъул чемпионаталда бергьун вукIарав Георгий Эдишерашвили вахъана исанаги чемпионлъун. Гьединаб даражаялъул къецазда тIоцеве гIахьаллъарав ва юниоразулалдаса чIахIиязул гугариялде гIицIго гъоркьиса вачIарав Угуевасе гьеб чемпионаталда щвана мазгарул медаль.
Ясазда гьоркьор къецал тIоритIулеб тIоцебесеб къоялъ ургуялде яхъана дагъистанияй Милана Дадашеваги. ТIоцебесеб кIиго дандчIваялда гьей бергьана аслияб  заман лъугIилелдего. Амма хадусеб кIигоялда къуна, ва гьелъие медаль щвечIо. Континенталияб чемпионаталъул кIицIул мазгарул призер Иляс Бекбулатовасде вахарав гугарухъан 65 килограмм цIайиялда исанасеб чемпионаталда вукIинчIо. Ункъо дандчIваялда гьесул дандиязда цониги балл босизе кIвечо. Европаялъул чемпионаталда, 42:0 гIаммаб хIисабгун, Илясица ракIчIараб бергьенлъи босана ва меседил медаль щвана.
Къецал тIоритIулеб кIиабилеб къоялъ Чачаналдаса Анзор Болтукаевасе (97 кг) щвана гIарцул медаль. ГIарцул медаль гьеб къоялъ щвана дагъистанияв АхIмад Чакаевасеги (61 кг). Мазгарул медалалъе мустахIикълъана АхIмад ХIажимухIамадовги (74 кг).
"Европаялъул чемпионаталда нилъер гугарухъабазе щвараб щуго медаль ва командаялъулаб тIоцебесеб бакI лъикIаб хIасил ккола", - ян баян кьуна Россиялъул тIасабищараб командаялъул тренер ГIабдусалам ХIадисовас.

Автор: ФИО или фамилия и инициалы автора

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!