Сделать домашней|Добавить в избранное
 
Главная » Политика » Анкьил хIасилал
на правах рекламы

Анкьил хIасилал

  • Версия для печати
Добавил(а): istina от 28-04-2017, 12:12
Ришватчилъи тIагIинабизе буго
ДРялъул бетIерас тIобитIараб данделъиялда бицана республикаялда 
гIадлу-низам букIинабиялъул хIакъалъулъ
Маялъул байрамкъоязде хIадурлъулаго ва гьел тIоритIулаго, федералиял гIуцIабазул территориалиял идарабазулги, ДРялъул нухмалъиялъулги ва бакIалъул идарабазулги цадахъал тадбирал гIуцIизе ккеялде кIвар буссинабуна данделъиялда.
Рамазан ГIабдулатIиповас абуна байрамкъоязда гражданазул гIумруялъе хIинкъи гьечIолъи букIинаби аслияб масъала кколин ва гьадинаб хитIаб гьабуна республикаялъул халкъалдехун: "Нилъее парахатабги къадруябги гIумру гьабизе бокьун батани, гьединаб гIумру гьабизе ккола нилъеца. Гьеб мурадалда нилъеца хIаракат гьабулеб буго ункъо соналъ. ТалихIкъосиналъ, гIемерал камиял ккана гъажалда погонал ругездаги  ракълилал гражданаздаги гьоркьор. БатIи-батIиял хъачагъаздаса нилъер ракь эркен гьабизе бажари буго нилъер, гьеб рахъалъ кумек щола федералиял идарабазухъаги. Улкаялъул экономикаялда захIматаб хIал бугониги, Дагъистаналъе кьолеб субсидиялъул къадар анкьго млрд гъурушалъ цIикIкIинабуна. 
Дида лъала ва бичIчIула, дальнобойщиказул захIматаб гIумру букIин: бигьаго гуро гьез чадил кесек балагьулеб. Гьебго заманалда, шоферзабаздаги лъала багIарараб роол къоялъ 40 тоннаялъул юкги баччун машина унеб мехалда, нухда тIураб хъил рахъ-рахъалде бикь-бикьун унеблъи. Гьеб зарал бецIизе ккеларищха. Республикаялъул нухазул магIишаталъул вакилзабаз  гьабулеб буго хIалтIи: къачIана Дербенталде унеб шагьра, къачIалеб буго Агъачаулалдасан унеб бищунго цIикIкIараб хIинкъи бугеб нух,  Манасалде унеб нух, хIалтIулел руго Каспийскалъул шагьранухда. Гьел ишал гьариялъе, дир гьариялда рекъон, РФялъул хIукуматалъул председателасул заместитель Аркадий Дворковичас гIарацги биччана, амма гьеб гIолеб гьечIо. 
"Платоналъул" кумекалдалъун пачалихъалъ бецIулеб буго юк баччулел машинабаздаса нухазул хIалтIухъабазе кколеб зарал. Гьеб гIарацги бакIарулеб буго, шоферзабазухъа гуреб, юк битIулел гIадамазухъа. Дицаги, цогидал губернаторазго гIадин, РФялъул хIукуматалъул председатель  Дмитрий Медведевасде хитIаб гьабуна,  ва гьесги рагIи кьуна "Платон" дагь-дагьккун хIалтIизе биччазе бугила. Нилъее гьелдаса тIоцебесеб гIарцул бутIаги щвана. Республикаялъухъа бажарулеб жо гьабизе хIадурги руго ниж.
Москваялдеги Санкт-Петербургалдеги унаго, нилъер шоферзабазе квекIенал гьарунгутIизе хIаракат гьабуна нижеца. Улкаялъул ГИББДялъул нухмалъиялда бичIчIизабуна, дагъистаниял хIалтIизе бокьулел гIадамал рукIин ва гьез Россиялъул чIахIиял шагьаразде Дагъистаналда гьарурал  кванил нигIматал раччулел ругеблъи. 
Цогидал регионазда дальнобойщиказул дандечIей лъугIун буго, хутIун буго гIицIго нилъеразул. Гьединаб дандечIеялъул бакIалда нилъ, жамгIияталъул парахалъиги цIунун, цадахърекъон хIалтIизе ккола. 
ЦIумада районалъул Агъвали росулъ ккараб лъугьа-бахъиналъги бихьизабула цадахърекъон хIалтIизе кколеблъи. ГьабсагIаталда гьеб ишалъул цIех-рех гьабулеб буго. ЧIахIияздаги гIисиназдаги бичIчIизабизе ккола яргъилгун махсара гьабизе бегьулареблъи, доба-гьаниб батараб кьвагьулеб алаталъул хIакъалъулъги гьебсагIатго лъазабизе ккола низам цIунулел идарабазда.
Ришватчилъиялъул бицунаго, абизе бокьун буго, гIемер чи гуро къеркьолев вугев гьелде данде. Гьелъул гIаксалда: ришватчилъиялде данде къеркьеялъул ххвелалги гьарун, жидеего цIар-рецц балагьизе рахъаралги камулел гьечIо. Лъазабулеб буго: министраздаса ва гьезул заместителаздаса байбихьун, хIукумат ришватчагIаздаса бацIцIад гьабулеб буго нижеца - чангиял хъулухъаздаса махIрумлъана гьеб сабаблъун ва гьезул делаби низам цIунулезухъе кьун руго. Гьеб иш жакъа киназго цадахъ гьабизе ккола.
Цо-цояз харбал тIиритIизарулел руго, Дагъистаналъул школазда рахьдал мацIазул дарсал дагьлъизарулел ругилан. Гьеб гьедин гьечIо. Дун нухмалъиялде вачIаралдаса нахъе цониги сагIат бахъичIо рахьдал мацIазул дарсазухъа. Гьелъул гIаксалда, районаздаги шагьараздаги рагьулел руго Дагъистаналъулги Россиялъулги маданияталъул централ, тIоритIана миллиял мацIал церетIезариялъул мурадалда гIуцIарал комиссиязул дандеруссинал, рахьдал мацIазул цIалул тIахьал риччазе тIадеги гIарац кьуна.  
Гьеб киналъулго дица бицунеб буго, регионалда хIалуцин къваригIарал гIадамал жеги рукIин бичIчIизабиялъул мурадалда. Гьайгьай, жеги чанги масъала тIубазе ккола, амма гьабулеб хIаракатги бихьизе ккела ва гьелъие квербакъизе гъира бугел гIадамалгун хIалтIизе хIадурго руго ниж. Ва амма дандечIеялъе къеркьолезул мурад тIубазе гьечIеблъиги лъан букIа. 
Цоги нухалда ракIалдещвезабила: тIаде щолел байрамал, хасго КIудияб Бергьенлъиялъул къо - тIадегIанаб даражаялда кIодо гьаризе ккола нилъеца. Нилъ ругелъулха гьеб бергьенлъи босаразул къадру гьабулел ирсилал", - ан абуна Дагъистаналъул бетIерас.
Данделъиялда кIалъана ДРялъул жанисел ишазул министрасул заместитель Сергей Карпов, Россиялъул МЧСалъул Дагъистаналда бугеб БетIераб управлениялъул начальникасул заместитель Олег Халилов, МахIачхъалаялъул мэр Муса Мусаев. Гьез бицана байрамкъоязде гьабулеб бугеб хIадурлъиялъул хIакъалъулъ.
Гьелдаса хадуб бицана сахлъицIуниялъулги лъайкьеялъулги идарабазда ришватчилъи тIагIинабиялъул мурадалда гьарурал тадбиразул хIакъалъулъги. 

Автор: ФИО или фамилия и инициалы автора

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!