Сделать домашней|Добавить в избранное
 
Главная » Политика » Сессия
на правах рекламы

Сессия

  • Версия для печати
Добавил(а): istina от 28-04-2017, 12:11
Спикерасул рагIи рагIанадайха…
ДРялъул Халкъияб Собраниялъул иргадулаб сессия байбихьана гьелъул председателас  хIукуматалъул вакилзабазе бадибчIвай гьабиялдалъун 

Халкъияб Собраниялъул председатель Хизри ШихсагIидовас абуна хIукуматалъул вакилзабаз сессиялда гIахьаллъи гьабиялъул иш цIакъго хашаб бугилан. Гьелда бан сессиялъул халгьабиялдаса нахъе бахъана "ХIукуматалъул сагIат" абураб суалги. 
Коммунистазул фракциялъул вакилас борхана республикаялъул школазда рахьдал мацI лъазабиялъул суал.  Гьес  бицана Лъайкьеялъул министерствоялъул сайталда лъун букIараб цIалул программа рахьдал мацIазул бугеб ахIвал-хIалалде дандеккунгутIиялъул ва гьединаб бербалагьиялъ  нилъер халкъазул миллияб адабият, маданият цебетIезабиялъе кIудияб квалквал гьабизе букIиналъул. 
Сессиялда гьоркьоб лъезе босун букIана 29 суал.  Гьезда гьоркьоб букIана Дагъистаналъул Конституциялда хиса-басиял гьариялъул суалги. Гьеб бараб букIана республикаялъул Халкъияб  Собраниялда бугеб ГIолилазул парламенталъухъе законал хIадур гьаризе ва гьел церелъеялъул ихтияр кьеялда. 
Гьелдаго цадахъ сессиялда халгьабуна "Дагъистаналда ракьалдаса пайда  босиялъул  цо-цо суалазухъги".  Гьаниб мухIкан гьабулеб буго республикаялъул буголъиялда ругел ракьаздаса пайда босиялъулъ Халкъияб Собраниялъул ва Дагъистаналъул хIукуматалъул кIвар.  Гьенибго пикру буссинабуна лъабго яги цIикIкIун лъимер бугеб  хъизамалъе республикаялъул ва муниципалияб буголъиялда ругел ракьаздаса паял кьеялъул суалалдеги. ХIукму гьабун буго гьеб законалъул проект киназдаго лъазелъун басмаялда бахъизе. 
Сессиялда гьоркьор лъуна республикаялъул ХIисабалъулаб палатаялъ  2016 соналда гьабураб хIалтIул хIасилалги. Депутатаз кIварбуссинабуна гьеб идараялъул хъулухъчагIазул къадар цIакъго цIикIкIараб букIиналде ва гьеб дагь гьабизе ккеялде. Гьединго, сессиялда къабул гьабуна "Дагъистан Республикаялъул творческиял хIалтIухъабазул ва творческиял союзазул хIакъалъулъ"  законги. 
Республикаялъул  жамгIияб гIумруялъе кIвар бугеблъун ккола "Дагъистан Республикаялъул социалияб рахъалъ кумек гьабиялда хурхарал жамгIиял гIуцIабазе пачалихъияб кумек гьабиялъул хIакъалъулъ" законалда хиса-басиял гьари" абураб законги. Гьелда бихьизабулеб буго жамгIиял идарабазе гIарцулаб ва цогидабги кумек гьабизе кколин.

Автор: ФИО или фамилия и инициалы автора

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!