Сделать домашней|Добавить в избранное
 
на правах рекламы

Дарабазул гъамас

  • Версия для печати
Добавил(а): istina от 28-04-2017, 11:43
БагIаргьологи рикIкIуна даруяб ва къиматаб кванил нигIматлъун. Халкъияб медицинаялда ургьисалабазул, понцIелоялъул, рекIелгун бидурихьазул унтаби, чакаралъул диабет, подагра ва ревматизм сахгьабизе лъикIаб хIасилгун хIалтIизарула багIаргьолоялъул мочаби яги гьелъул ракъвазарурал тIугьдул. Ццидал къвачIаялъур яги ургьисалабазда чIинхал ругони, хIалтIизабула тIугьдузул бахъараб тIокIкIел. Цо стакан цIураб лъеда тIаде бала 20 грамм тIугьдузул ва къоялъ  3-4 нухалъ кванда цебе гьекъола бащдаб стакан тIокIкIелалъул. БагIаргьолоялъул чурпа хIалтIизабула кванирукъ ва бакьал сах гьаризеги. БагIаргьолоялъул мочабазул бахъараб тIокIкIел хIалтIизабула ургьисалабазулъ яги чорхолъ лъим ккун бугониги. ГIелмияб медицинаялда багIаргьоло хIалтIизабула  бидулъ бугеб чакар дагьлъизабизе. Гьелъие гIоло гIисин гьабун хъурараб мочоялъул кIиго кIудияб гъудалде тIаде тIола цо стаканги  бащдабги лъел ва гьализабула 15 минуталъ. Гьекъола къоялъ  3-4 нухалъ 1-2 кIудияб гъуд  кваналалде цебе. Гьелъ инсулиналъго гIадаб асар гьабула.
 
ТIалхIатов ГьитIинамухIамадил тIехьалдаса

Автор: ТIалхIатов ГьитIинамухIамадил тIехьалдаса

Газета №: 16, от 28.04.2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!