Сделать домашней|Добавить в избранное
 
Главная » Политика » Коррупция
на правах рекламы

Коррупция

  • Версия для печати
Добавил(а): istina от 14-04-2017, 13:43
Халкъалда лъазе ккола 
ДРялъул хIукуматалда тIобитIараб данделъиялда бицана 
коррупциялъул кьалбал ракъвазаризе заман щун букIиналъул
Данделъиялда кIалъалаго, ДРялъул бетIер Рамазан ГIабдулатIиповас абуна тIаса-масаго хIалтIи гьабиялъул хIасиллъун кколин регионалда коррупция лъугIизабизе кIунгутIиялъе аслияб гIилла. Пачалихъалъул финансазда хадуб халкколеб хъулухъалъ гьабураб анализалъул хIасилалдасан бихьулеб бугин гьеб рахъалде кьолеб кIвар чучлъизе тун букIин. 
ДРялъул пачалихъалъул финансазда хадуб халкколеб хъулухъалъул нухмалъулев Артур МуртазагIалиевас бицана финансаздаги  финансазул аудиталдаги хадуб халкколеб къагIида билълъанхъизабизе байбихьаралдаса коррупциялде данде къеркьеялъул мурадалда тIоритIулел тадбираз пайда кьолеб букIин бихьулеб бугин, гьеб рахъ берзукьа борчIизе тезеги бегьуларин. 
Гьеб масъалаялъул бицун кIалъалаго, ДРялъул печаталъул ва информациялъул министр Рашид Акавовас баян кьуна,  коррупциялде данде къеркьеялъул мурадалда республикаялъул СМИяздасан гьабулеб хIалтIиги гьоркьоб къотIизе тун гьечIин.  
"Щибаб газеталъ, радио-телевидениялъ бищун цIикIкIун кIварбуссинабулеб масъалалъун лъугьун буго коррупциялде данде къеркьей. Масала, 2016 соналда гьеб масъалаялъул хIакъалъулъ хъвараб 100-ялдасаги цIикIкIун макъала бахъун буго"Дагъистаналъул правда" газеталда. "Дагъистан" РИАялъул сайталда лъун буго 300-ялдаса цIикIкIун баян. Гьединабго хIалтIи гьабулеб буго цогидал газетазгун телевидениялъги. Гьеб киналъулго аслияб мурадги буго республикаялъул тIалъиялъ ва тIадал идарабаз гьабулеб хIалтIи халкъалда бихьизаби ва коррупциялде данде рагъ бай щивав чиясда тIадаб борчлъун кколеблъи бичIчIизаби", - ян бицана Р. Акавовас. 
КIалъазе рахъарал министерствабазул ва ведомствабазул нухмалъулезги бицана жиде-жидеца нухмалъи гьабулел гIуцIабазда гьеб масъалаялде кьолеб кIваралъул, гьабулеб хIалтIул хIакъалъулъ. 
Данделъиялъул хIасил гьабулаго, Рамазан ГIабдулатIиповас абуна гьеб масъалаялде щибабкъойилаб кIвар кьей букIине кколин нухмалъулезул, кинаб хъулухъалда гьел ратаниги. Халкъалдаги бихьизабизе кколин коррупциялде данде хIакъикъаталдаги рагъ гьабулеб букIин ва загьир гьаризе кколин гьелъул хIасилалги. "Хабар бициналдалъун хIалтIи къокълъизе тезе бегьуларо. РукIине ккола чIванкъотIарал ишалги  гьединалго хIасилалги", - ян абуна Р. ГIабдулатIиповас.   

Автор: ФИО или фамилия и инициалы автора

Газета №: 14, от 14. 04. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!