Сделать домашней|Добавить в избранное
 
Главная » Культура - Маданият » ТIехьалъул презентация
на правах рекламы

ТIехьалъул презентация

  • Версия для печати
Добавил(а): istina от 14-04-2017, 12:26
Лъалевги лъаларевги Халил-Бег
Ахирисев багьадурасул хIакъалъулъ 
тIоцебесеб роман

"Дагъистаналда вукIана цоги Шамил - искусствоялъул Шамил, дунялалда цIар рагIарав художник, ЧIохъа Халил-Бег Мусаясул. Германиялда, Франциялда, Америкаялда, Италиялда, Ираналда, Турциялда гIадамал хIайранлъана, гьесул суратазухъ ралагьун". 
Гьадин абуна ХIамзатил Расулица, мугIрузухъ инагьдилаго, гIумруялдаса ватIалъарав Халил-Бегил хIакъалъулъ. 
Дагьаб цебе къватIибе бачIана художникасул хIакъалъулъ хъвараб "Апараглъиялъул кьерал" абураб тIехь. Гьелъул автор ккола Шапи Казиев. Романалда тIад автор хIалтIана лъабго соналъ. Гьениб бицунеб буго 24 сон баралдаса хвезегIан Халил-Бегил гIумруялъул хIакъалъулъ. ТIехь хъван буго Халил-Бегил ирсилазул гьариялдалъун. Гьезго кумекги гьабун буго тIехь къватIибе биччазеги.  
- Дие кидаго асар гьабула Халил-Бегил къисматалъ. ТIехь хъвалагоги дун щвана гьес гIумру гьабурал улкабазде. Дагь-дагьккун дида бичIчIана художникасул рекIел хIал,  гIагараб Дагъистаналде гьесул букIараб рокьиги урхъиги. Художникасде гIунтIизабураб, рагъул заманалда немцазе кумек гьабулеб букIанилан абураб гIайибги кьучI гьечIеб хабар буго. Чанги советияв солдат хвасар гьавуна гьес концлагераздаса, - ян бицана Шапи Казиевас.  
Художникасул гIагарав чи ХIасан ГIабдулаевас бицана жидер хъизан налъулаб бугила гьеб тIехьалъухъ авторасе. «Гьес цIакъ мухIканго бицун буго Халил-Бегил гIумруялъул ва гьунаралъул хIакъалъулъ. Авторас гьабун буго кIудияб хIалтIи. Нилъеда тIехьалда ватула лъалевги лъаларевги Халил-Бег», - ан абуна ХIасаница.   

Автор: Шамай Хъазанбиева

Газета №: 14, от 14. 04. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!