Сделать домашней|Добавить в избранное
 
на правах рекламы

Нужее баяналъе

  • Версия для печати
Добавил(а): istina от 14-04-2017, 12:22
Тохтурасухъе ине кватIани, унти сах гьабун бажаруларо
ТIоцебесеб иргаялда, туберкулез бахуна загIипаб сахлъи бугезде - СПИДалъ, чакаралъул унтиялъ унтаразде, наркоманазде, гьекъолдухъабазде, рекIел, квачалъул унтаби ругезде. Туберкулезалъул бактериял чорхолъе ккун ругищали лъала манту гьабидал. Бищун гIемер туберкулез букIуна гьуърузул. ЛъагIалида жаниб цо нухалъгIаги лъикIаб буго флюорография гьабизе. Соналдаса соналде цIикIкIунеб буго унтаразул къадар МахIачхъалаялдаги. Цогидал унтабазде дандеккун, туберкулез сах гьабизе захIмалъула, щайгурелъул унтул микробал чIвазе кIолел дараби гьечIо. Ругел дарабазги гIицIго микробал  чорхолъ гIемерлъизе толаро. Амма унти сах гьабун бажарула. Гьелъие квербакъи живго унтарас гьабизе ккола, тохтур-фтизиатрасухъе заманалдаги ун. Нагагь тохтурасухъе ине кватIани, унти сах гьабун бажаруларо. Живго жинцаго сах гьавизе лъугьиналъ квалквал гьабула унти сах гьабиялъе. Дагъистаналда гуребги, туберкулезалъ унтаразул къадар цIикIкIунеб буго дунялалдаго. ГьабсагIаталда вуго 20 млн унтарав, лъагIалида жанив хола щуго млн чи. Киназго гуро жидерго сахлъиялда хадуб халкколеб. ХIалцен цIакъго хIалуцараб, би тузе лъугьараб мехалда гурони, тохтурасухъе унарелги руго. Туберкулез сахгьабизеги къваригIуна гIемераб заман, масала, бищун дагьалдаса  лъагIел. Унтарасулги сабру гIезе ккола. Нагагь сабру гьечIев тохтурасухъе кканиги, унтарас гIамал гьабула "халкъиял" яги "гьересиял" тохтурзабазухъе ине. Гьелъ лъикIаб хIасилалде рачунаро. ХIаракат бахъизе ккола унтаравги тохтурги цадахъ рекъон хIалтIизе.

А. ГIабасова, 
тохтур-фтизиатр     

Автор: А. ГIабасова, тохтур-фтизиатр

Газета №: 14, от 14. 04. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!