Сделать домашней|Добавить в избранное
 
Главная » Культура - Маданият » «ХъахIаб акациялъул роржен»
на правах рекламы

«ХъахIаб акациялъул роржен»

  • Версия для печати
Добавил(а): istina от 7-04-2017, 10:46
1957 соналда Москваялда тIобитIараб  гIолилазул ва студентазул тIолгодунялалъул фестивалалъул лауреат. 1962 соналда Москваялда тIокIлъигун лъугIана Щукинил цIаралда бугеб театралияб училище. ЛъарагI театралъул гIолохъанав артист. Гьев цеве вахъана анцI-анцI батIияб сипаталда: магIарул нуцал ("Хочбар", Ирчи Хъазахъ, Аскер ("Аршин-мал-алан"), Леонардо ("Бидулаб бертин") ва цогидалги. 10 соналъ хIалтIана ГIурус театралъул директорлъун, микьго соналъ - Дагъистаналъул филармониялъул художествияв нухмалъулевлъун. 1994 соналдаса нахъе - ЛъарагI театралъул художествияв нухмалъулев. Драмтеатралъул ва киноялъул артист, пасихIго кучIдул ва харбал рикIкIиналъул ва цIалиялъул кIудияв устар, эстрадаялъул ва операялъул солист. 2016 соналда "Бакъ тIерхьиналде цебе" драмаялда хIараб ролалъухъ Владимир шагьаралда гьесие щвана "Меседил кавабахъ" фестивалалъул аслияб шапакъат - "Мономахил хрусталалъул тIагъур".  Дагъистаналда тIоцебе Айгум Айгумовасе щвана Россиялъул миллияб театралияб "Меседил маска" абураб премия. 
 24 марталда МахIачхъалаялда ГIурус театралда данделъун рукIана Россиялъул ва Дагъистаналъул халкъияв артист Айгум Айгумовасда 80 сонилаб юбилей баркизе. Дагъистаналъул хIукуматалъул председателасул тIоцевесев заместитель Анатолий Карибовас халкъияв артистасул каранда бана "БахIарчияб хIалтIухъ" медаль. Гьелдаса хадуб республикаялъул батIи-батIиял театразул артистаз бицана Айгум Айгумовасул гIумруялъул ва гьунаралъул хIакъалъулъ. 
ГIолохъанав Айгумица къого сон бараб мехалда кунчIараб гьесул цIва  жакъа гвангъун буго. Гьеб гвангъиги, гIадамазул ракIазе гьелъ кьолеб хинлъиги, Дагъистаналъул маданияталда халкъияв артистасул цIарги даимго кенчIезе руго.

Шамай Хъазанбиева        

Автор: Шамай Хъазанбиева

Газета №: 13, от 7. 04. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!