Сделать домашней|Добавить в избранное
 
Главная » Ваши письма - Нужер кагътал » Кверазе хIалтIи - рекIее рахIат
на правах рекламы

Кверазе хIалтIи - рекIее рахIат

  • Версия для печати
Добавил(а): istina от 29-03-2017, 10:56
Араб гIасруялъул ункъоабилел соназда Ленинградалда махщел камил гьабиялъул курсазда вукIаго, эркенаб къоялъ цо цIунтIасев уна Эрмитажалде, суратазухъ балагьизе. Заманалдасан гьесда бихьула жиндихъго гIадамал балагьун рукIин. Хадуб баянлъула гьел цIунтIасесда ретIарал хьитазухъ халгьабулел рукIин. Гьедин лъугьуна цIунтIасев Ленинградалъул музеялъул экспонатлъун. 
Кверазе хIалтIи - рекIее рахIат
Щай бегьулареб школазда тIагIалаби гьарулеб къагIида малъиялъул дарсал кьезе?  
"БежтIа" ансамблялъул гIахьалчагIаз ретIарал хьитаз гIажаиблъизаруна Москваялда ва Парижалда гьезухъ балагьизе рачIарал.
Цебе къанагIат гурони щолароан чакмаял, галошал, ботинкаби ва цогидалги хьитал. Гьелъ руччаби хIажаталлъун кколел рукIана квасул хьитал - журабал гьаризе. Нартил чирахъги бакун,  къаси кватIизегIан хьухьарулаан гьел. Кверзул махщел камиллъизабизелъун ва руччабазе хIалтIи чIезабиялъул мурадалда, ункъоабилел соназда  Мокъокъ росулъ моцIрол болжалалда бана лъеберго метр халалъиялъул, чанго рукъ жаниб бугеб цех. Цинги байбихьана журабал гьаризе, ва кIикъоялда анцIго чIужугIаданалъе росулъго хIалтIиги щвана. 
МагIарухъ гьарурал журабазе кIудияб къимат кьуна Англиялдаса, Япониялдаса туристаз. ГIажаиблъизе бачIунаан, хъвазе-цIализе лъаларел херал руччабаз, хьитазда ва  цIиндакIазда батIи-батIиял накъишал гьарулеб къагIида бихьидал. Кверзул махщел цIуниялъе кIудияб квербакъи гьабулаан школазда, гьеб мурадалда кьолаан хасал дарсал. Ахирал соназда гьеб киналдего тIаде ракь хъвалеб буго. БукIаниги, гьабсагIатги руго гьел хьитал гьарулел руччаби. Москваялдасацин рукIуна заказалги.  
Гьединго, цебе щибаб росулъ батичIониги,  рукIана цо-цо росабалъ тIамур гьабулел устарзаби. ЦIалдохъабиги ругьун гьарулаан батIи-батIиял цIулал тIагIелал гьаризе. Чанго  соналъ цебе цIалдохъабаз гьарурал тIагIалабазул выставкацин гIуцIун букIана Гьинухъ росдал школалда. 
НусгогIан  соналъ цебе АзилтIа  росдада гIагарда букIун буго щагIил цIарагI гьабулеб бакI. Ункъогоялдаса цIикIкIун сонал рарав Идрисов ГIисаца бицунаан росдадаса бакъбаккудехун ругилан щагIил цIарагI хIадур гьабулеб печалъул хутIелал.
КIигогIан соналъ цеве Кубачиялде щварав Дагъистаналъул бетIер Рамазан ГIабдулатIиповас абун букIана, кверзул махщел цебетIезабиялъул мурадалда, школазда цIалул планалде тIадеги сагIат кьезе ккелин. Гьайгьай, киналго  школазде Дагъистаналъул бетIер щоларо, амма гьеб хIалтIи тIадкъазе бегьилаан районалъул бутIрузда. 

Автор: ГIиса ГIабдулаев

Газета №: 11, от 24. 03. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!