Сделать домашней|Добавить в избранное
 
Главная » История - Тарих » Нилъер машгьурал руччаби
на правах рекламы

Нилъер машгьурал руччаби

  • Версия для печати
Добавил(а): istina от 13-03-2017, 12:10
МагIарул чIужугIадан, кигIан мустахIикъай йигониги, бихьиназдаса цеетIурайлъун жийго йихьизайизе лъугьунароан. Инсул, вацасул, росасул, хIатта кIудияв васасулцин адабги гьабун, сабруялда чIолаан гьей кидаго. Гьеб букIана щибаб хъизамалда, тухумалда, росулъ билълъанхъараб гIадат. 
Тухумалъул цIар холареб хIалалда хIалтIулаан магIарулай ва, тIасабищараб иш гьабулаго, жиндирго къадруяб цIаргун намус бацIцIадго цIунизе хIаракатги бахъулаан. Бадибе рехуледухъ гьечIониги, руччабазги кIудияб бутIа лъуна магIарулазул маданиябгун тарихияб гIумруялда. БахIарчилъи, къохIехьей, намус бацIцIалъи - гьел хасиятал магIарул чIужугIаданалъул бидулъгун чорхолъ кидаго рессун рукIана. 
Машгьурал магIарулазул хIакъалъулъ баянал ракIарулаго, "ХIакъикъаталъул" редакциялда ратарал цIар рагIарал, машгьурал  руччабазул хIакъалъулъ къокъал баянал кьолел руго гьанир. Гьел ккола халкъалъ рекIелъ цIунарал ва миллаталъул чIухIилъун хутIарал нилъер руччаби.

ГIободаса ШагIбан-къадил яс ПатIимат, (1608-1653) - гIалимчIужу, шагIир. 

Баху-бика - ГIумма-ханил яс, 1834 соналда йикIана магIарулазул ханлъун. 

ГIанхил Марин (1840-1905) - машгьурай кочIохъан, жинцаго гьарурал кучIдул ахIулаан гьелъ. Гьаюна Ругъжаб росулъ. 

ПатIимат Нуцалова 
(1910-1946) 
ТIоцеесей Дагъистаналъул халкъияй артистка (1940). Гьаюна КIогьориб росулъ.

Зайнаб Набиева 
(1912-1994) 
РСФСРалъул халкъияй артистка. Гьаюна ГьоцIалъ росулъ. 1935 соналда Хунзахъ букIараб МагIарул театралда хIалтIизе байбихьана. ДАССРалъул мустахIикъай артистка (1950), РСФСРалъул халкъияй артистка (1960). 
Хажа Локалова 
(1920-2001) 
Хунзахъ росдал гьоркьохъеб школалъул учительница, Социалистияб захIматалъул БахIарчIужу. Гьаюна Хунзахъ росулъ. 
ПатIимат Хизроева 
(1925-2005) 
РСФСРалъул мустахIикъай артистка (1960), РСФСРалъул халкъияй артистка (1981), ДАССРалъул халкъияй артистка (1955). Гьаюна 1925 соналъул 25 июналда Урма росулъ.
Машидат Гъайирбегова 
(1927-2016) 
Дагъистаналъул советияй шагIир, хъвадарухъан, драматург, Сулейман Стальскиясул цIаралда бугеб премиялъул лауреат. Гьаюна КIаратIа росулъ. 
Муи ХIасанова 
(1930-2014) - Дагъистаналъул халкъияй артистка, машгьурай кочIохъан. Гьаюна ЧIохъ росулъ. 
Фазу ГIалиева 
(1932-2016) 
Советияй ва Россиялъул шагIир, Дагъистаналъул халкъияй шагIир (1969), прозаик ва публицист, гьаюна Гиничукь росулъ. Гьей ккола Дагъистан Республикаялъул пачалихъияб премиялъул лауреат (гьеб кьуна 2007 соналда, "Даимаб цIа" абураб кучIдузул мажмугIалъухъ).  2004 соналда Фазу ГIалиевалъе щвана РФялъул Журналистазул союзалъул "Россиялъул меседил хIули" абураб премияги.
Манарша Дибирова  
(1935-2012) 
Дагъистаналъул халкъияй артистка, машгьурай кочIохъан. Гьаюна Хьаргаби росулъ. 1950-абилел соназда хIалтIизе байбихьана Хьаргаби районалъул культураялъул рукъалъул нухмалъулейлъун.
Сидрат Мажидова 
(1938-2015) 
РСФСРалъул халкъияй артистка (2005), советияй ва Россиялъул актриса,  ЦIадаса ХIамзатил цIаралда бугеб МагIарул театралъул артистка (1952 соналдаса нахъе). Гьаюна Шотода росулъ. 

Автор: ФИО или фамилия и инициалы автора

Газета №: 9, от 10. 03. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!