Сделать домашней|Добавить в избранное
 
на правах рекламы

ЦIех-рех

  • Версия для печати
Добавил(а): istina от 13-03-2017, 11:58
 
СагIудиязул руччаби 
Дунялалда тIад бищун берциназул цоял

Британиялъул халкъазда гьоркьосеб цIех-рехалъул централъ лъазабухъе, СагIудиялъул руччабаз лъабабилеб бакI кколеб буго берцинлъиялъул рахъалъ. Гьезда цере руго Венгриялъулги Польшаялъулги руччаби. "Ал-ГIарабия" телеканалалъ лъазабухъе, цIех-рехалда аслияб кIвар буссинабун букIана берцинлъиялде, сабурлъиялде, гIаданлъиялде ва кидаго гьединайлъун цIунун хутIиялде.
Гьединго кIвар кьолеб букIана тIабигIияб берцинлъиялдеги бихьинал жидедего мукIур гьаризе кIвеялдеги, ай жидехъ гIенеккулеллъун гьариялде. Гьениб аслияб бакI ккуна СагIудиялъул бихьиназул жидерго руччабаздехун бугеб балагьиялъги.
ХIисабалде росана бихьиназ руччабазул гьари къабул гьаби гIадинал, гьезие кумекчагIи, хъулухъчагIи кквей гIадинал, руччаби хIалтIизе ккунгутIи гIадинал хIужабиги. Гьединго, бихьиназ халгьабуна, жидехъ гIарацги букIун, руччабазул хIажатал тIураялде кьолеб кIваралъулги.
ХIисабкьеялда бихьизабулеб буго СагIудиялъул руччабазул гIумру ханзабазул гIадаб букIин: "Ханасул чIужуялъ машина бачунаро, гьеб бачине хъулухъчи вукIуна". Хасаб бицен гьабун буго СагIудиялъул руччабаз жидерго черх цIуниялъул хIакъалъулъги. Гьезул ретIел черх бахчараб букIиналъ, къватIиса кколеб заралалдаса цIунун, гьезул тIом хутIулеб буго, цIвакараб дарай гIадин ва гIолохъанго.

*** 

Хъизан - жамгIияталъул аслу 
ХIалалаб магьари лъун 
данделъаразулъ баракат букIуна

Халкъалъул моралияб рахъ цIакъго гIодобе ккараб гьаб заманалда, кутакалда захIмат букIуна квешалдаса лъикIаб батIабахъизе, заралияб тун, пайдаяб босизе. Жакъасеб заманалъухъ балагьидал, инсанасул чорхолъа ничалъул асар тIубанго тIагIунеб буго ва заралиябщинаб къабул гьабизе цIакъ хIаракатги бахъула. Хасго хьвада-чIвадулеб къагIида буго, тIубангойилан абичIониги, гIураб къадаралда загIиплъун. ТIокIаб жоялъул бицун щиб, зина гьаби - чIухIизе ккараб ишлъун рикIкIиналде рачIун руго.  Жакъасел гIолохъабаз бицунелъухъ гIенеккидал, зина гьабиялъул гурони хабарго букIунаро. Хасго чIухIадго бицуна жинцаго гьабураб инжитлъиялъул, ва гьелдаса разилъарал гIадин аскIор ругезги бутIрул гьанкIезарула. Гьебго заманалда, цогидасукьа къун чIеларин абураб пикругун, аскIор ругезги квешлъиялде бегьулеб гали, щибго ургъичIого ва метерисеб къоялъул хIисаб гьабичIого тIамула.  
Щивав чиясда лъала зина гьаби кIудияб мунагь кколеблъи. ЦохIо мунагь гьаби гуребги, гьелъ тIолабго жамгIиятго жанисан жагъал гьабула, хъизамазда гьоркьоб рикьи ккола. Хъизанин абуни буго жамгIияталъул аслияб бетIер, жиб гьечIони, жамагIатги биххулеб. Хъизан биххиялдаго цадахъ мукъсанлъула экономикияб рахъ, загIиплъула бюджетилан нилъеца абулеб нахърател, гIемерлъула рехун тарал лъималазул къадар, бесдалал ва бищунго нилъ хIинкъизе ккараб хIужа - къватIулъан гьарурал лъимал. Гьелин абуни кIудиял гIола эбел-инсул тарбия щвечIеллъун, гьезул рокьи ва гурхIел щиб жояли лъалареллъун. Гьединго гьединазда лъаларо жал щал кколелали, киса рачIаралали ва жидерго тухум-кьибил.   
Нью-Йоркалда бугеб Корнелалъулаб университеталъул гIалимзабаз гьарурал цIех-рехазул хIасилалда баянлъана, хIалалаб куцалда данделъарал рос-лъадуе гьарурал лъимал гIемерго сахал ва тарбия-лъай щварал рукIунеблъи, къватIулъан гьаруразде дандеккун.  Гьелъин гIалимзабаз абулеб бугеб, ригьин-цIа гьабилелде, жинсиял гьоркьорлъаби гьаризе гIедегIугейин, гьелъул хIасил квешаб кколеблъи хIакъаб бугин. 

Руччабазе дандекколаро
Газ гъорлъ бугеб лъедаса инкар гьабун лъикI 

Америкаялъул Fox Chase Cancer Center гIуцIиялъул гIалимзабаз чIезабун буго эстрогеналъ цIикIкIинабулин хъалияналъул кIкIуялъ черхалъе гьабулеб асар, ва гьелъ  квербакъи гьабулин рак унти ккеялъе. Эстроген ккола руччабазул гормон, гьелъулги хъалиян бухIиялдалъун кколеб ракалъул унтиялъулги, тIоцебесеб иргаялда, хIинкъи букIуна руччабазул гIумруялъе.
Лабораториязда ургъунго хьихьарал гIункIкIазда тIад гьабураб хIалбихьиялъ чIезабуна, хъалияналъул кIкIуйдул асар гьечIонигицин, гьуърузда  букIунеб экстроген сверизе бегьулин рак унтиялъ хвезарурал клеткаби цIикIкIинарулел канцерогеназде. Гьуърузулъе хъалияналъул кIкIуй бачIунеб бугони, цIуял гIункIкIазул чорхолъ заралиял жалазул къадар кIиго нухалъ цIикIкIунеб буго.
Хъалиян цIаялъул гуребги, газ гъорлъ бугеб гьуинаб лъим гьекъеялъулги зарал буго руччабазул сахлъиялъе. Гьелъ чIужугIаданалъул карандаги чахьалдаги гьоркьоб бугеб бакIалда тIатIул гъатал лъугьинарулел руго. Гьелъ рачуна рекIел унтабазде, инсульталде ва чакаралъул диабеталде. Гьелъиеги гIилла батула гормоназулъ. Газ гъорлъ бугеб лъим гIемер гьекъеялдалъун лъугьарал тIатIул гъатаз кумек гьабула инсулин лъугьине риччаларел гормонал цIикIкIиналъе. Гьелъул хIасилалда ккезе бегьула чакаралъул диабетги рекIел унтиги.
*** 

Изну кьуна
Гьанже тIоцееселда гьикъизе кколаро 

МугIаммар Къадафил заманалда Ливиялъул бихьиназул ихтияр букIинчIо, гъоркь йигей чIужуялъул изну гьечIого, тIаде цоги гIадан лъадилъун ячине. Гьанжейин абуни, Ливиялъул Верховный судалъул хIукмуялда рекъон, гьеб закон хIакъикъияб гуреблъун рикIкIана. Гьанже Ливиялда хIалтIулеб цIияб законалда рекъон, гьеб улкаялъул бихьиназул ихтияр буго шаргIалда бихьизабухъе лъудби рачине ва гьелъие хIажалъизе кколаро гъоркь рукIарал руччабазул изну.  
МугIаммар Къаддафил заманалда, тIаде цоги чIужу ячине бокьарас гъоркь йикIаралъухъа босизе кколаан гьединаб ихтияр кьолеб бугин хъвараб кагъат.  Гьенибго бихьизабизе кколаан, кIиабилей яги лъабабилей чIужу ячунелъул, гьел хьихьизе гIураб гIарац ва буголъи бугин абураб документги. 
Гьанжейин абуни, гьеб кинабго хIажалъизе гьечIо, ва бокьарав чиясул ихтияр буго кIиабилей, яги лъабабилей, ялъуни цIакъго бокьани, ункъабилейги гIадан лъадилъун ячине. 

Автор: ФИО или фамилия и инициалы автора

Газета №: 9, от 10. 03. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!