Сделать домашней|Добавить в избранное
 
на правах рекламы

Хиса-басиял чIалгIана

  • Версия для печати
Добавил(а): istina от 3-03-2017, 10:47
Советияб лъайкьеялде тIадруссине кколин абураб пикру загьир гьабуна 
Россиялъул цIалдохъабазул улбузул комитетазул цолъиялъ 
Гьез улкаялъул президентасде хитIаб гьабуна советияб заманалда букIараб школалда цIали гIуцIиялъул къагIида тIадбуссинабеянги гьарун. Гьединабго хитIабалъул кагътал ритIун руго РФялъул лъайкьеялъул ва гIелмуялъул министралъухъе, Рособрнадзоралъул нухмалъиялъухъе ва РФялъул президентасда цеве вугев Лъималазул ихтиярал цIуниялъул вакиласухъе.
Гьаниб кьолеб буго гьеб хитIаб. Бокьилаан, газеталъул цIалдолез, цIалдохъабазул эбел-инсуца ва учительзабазгун лъайкьеялъул идарабазул нухмалъулез гьеб хитIабалъул хIакъалъулъ жидер пикраби загьир гьаруни.
РФялъул президент Владимир Владимирович Путинихъе
ХIурматияв Владимир Владимирович!
2016 соналъул тIоцебесеб декабралда Федералияб Собраниялде гьабураб хитIабалда дуца мухIкан гьабуна лъайкьеялъул рахъалъ пачалихъияб политикаялъул мурад: школалъ кьезе ккола гъваридаб, кьучIаб лъай, киналго лъимал куцазе ккола пикру гьабун бажарулеллъун, ватIан бокьулеллъун ва жамгIияталда гьоркьоб хьвада-чIвадизе лъалеллъун.
ГьабсагIаталда Россиялъул школазда бугеб хIалалъ рахIатхвезабун буго цIалдохъабазул умумузул. РакIчIун абизе кIола, гьоркьоса къотIуларел школалъул реформабаз ва лъайкьеялъул рахъалъ законалда гьарулел хиса-басияз нилъер улкаялъул лъайкьей кьучIдасанго биххизабулеб буго. Жакъасеб школалда бажарулеб гьечIо цIалдохъабазе авалиябниги лъай кьун. Гьелъие нугIлъи гьабула санайил тIобитIулеб ЕГЭялъул хIасилаз. ТIадегIанал цIалул идарабазул преподавателаз абулеб буго, студентазда щибниги малъизе бажарулеб гьечIин: гьезул пикрияб рахъги, бичIчIиги, бицине бажариги цIакъ мукъсанал ругин. Гьелъие гIиллалъун гIицIго ЕГЭ гуро кколеб. Аслияб гIилла буго лъикIаб даражаялъул лъай кьезе рес гьечIолъи, методикиял къагIидаби хIалтIизарунгутIи. 
РагIа-ракьанде щун киналго рахъалги хIисабалде росичIого, школалда гьарурал хиса-басияз лъайкьей махIрумлъизабуна дунялалдаго машгьурлъун букIараб, жиндир пайда букIинги тасдикъ гьабураб ва гIасрабазул хIалбихьиялъул кьучIалда гIуцIун букIараб советияб школалъул классикияб методикаялдаса. Гьелда рекъон хIадурун рукIарал ва, лъималазул ригьалъул хаслъабиги кьочIое росун, гIемерсонилаб хIалбихьиялъул кьучIалда гIуцIун рукIарал программаби кьучIдасанго хисизаруна ва хIажат гьечIел баяназдалъун лъималазда ричIчIизе захIматаб хIалалде ккезаруна. БичIчIулеб мацIалда хъварал цIалул тIахьазул бакIалда школалде рачIана захIматаб, бакIаб мацIалда хъварал тIахьал. Басралъун ругин багьанаги чIван, школалдаса тIагIинаруна лъайкьей гIуцIиялъул методикиял къагIидаби. Гьелдаса нахъе байбихьана цIалдохъабазул лъай хашлъизе. Гьеб ишалъе квербакъулеб буго жеги лъугIуларел, ахир лъаларел, лъималазул психикаялъе заралиял цIигьариязги  ва реформабазги.
Жакъа ВатIаналъул лъайкьеялда бугеб пашманаб  хIалалъул хIасил ккола жамгIияталъулго культура загIиплъи, нилъер улкаялъул социалиябгун экономикияб чIара-хьараб хIал лъугIиялъеги улка цIуниялъеги хIинкъи букIин.
Дуца лъураб масъала тIубазабизе ккани, школалде тIадбуссинабизе ккола классикияб методика.
Советияб заманалъул лъайкьеялъул къагIидаялда рекъон, Екатеринбург шагьаралда хIалтIулеб буго Т.А. Алтушкиналъул нухмалъиялда гъоркь гIуцIараб педагогазул ва методистазул къокъа. Классикиял методикабигун цIалул тIахьалги хIалтIизарун, К.Д.Ушинскиясул нахърателги кьочIое босун, гьез хIадурун буго лъайкьеялъул ва миллиябгун ватIан бокьиялъул тарбия кьеялъул къагIида. Гьелда цIарги лъун буго "ГIурус классикияб школа" абун.
Гьеб программаялда аслияб кIвар буссинабун буго ватIан бокьи ва хьвада-чIвади куцаялде, рухIияб цебетIеялде, пикру гьабизе ругьун гьариялде, Россиялъул тарихиялгун маданиял кьучIазда мугъчIваялде. Программа гIуцIун буго гIелмияб кьучIалда, нилъер ракьцоял-педагогазул гIасрабазулаб хIалбихьиги хIисабалде босун.
ЦIалдохъабазул эбел-инсул гIемерисезе бокьилаан, жидер лъималазе школалда гьединал программабазда рекъонкколеб лъай кьуни. Амма пачалихъияб лъайкьеялда гьел программаби хIалтIизаруларо. Гьезда рекъон, Россиялда хIалтIулеб буго цо чанго хасаб школа.
Владимир Владимирович, гьарула гьеб программаялде кIваркьеян, гьелъул рахъкквеян ва гьеб тIолабго улкаялъе гIаммаблъун ва пачалихъиял школазда хIалтIизабулеблъун гьабеян.
Адабгун Россиялъул цIалдохъабазул улбузул комитетазул цолъи

Автор: ФИО или фамилия и инициалы автора

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!