Сделать домашней|Добавить в избранное
 
Главная » Образование - Лъай кьей, мактаб » Рахьдал мацIазул байрам
на правах рекламы

Рахьдал мацIазул байрам

  • Версия для печати
Добавил(а): istina от 27-02-2017, 12:49
КучIдул рикIкIиналъул къецал тIоритIана
Соналдаса соналде цIикIкIараб кIвар кьолеб буго шагьаралъул школазда рахьдал мацIал лъазариялде ва малъиялде. Гьединго цIикIкIунеб буго батIи- батIиял конкурсазда гIахьаллъулел лъималазул къадарги. Исанаги гьитIинабго байрамалде сверанин абизе бегьула МахIачхъалаялъул 11 гимназиялда  республикаялъул шагьаразул школазул 11 классазул лъималазда гьоркьоб тIобитIараб кучIдул пасихIго рикIкIиналъул конкурс. МагIарул мацIалда кучIдул рикIкIине жидерго бугеб пагьму-гьунар бихьизабуна Гъизляралдаса, МахIачхъалаялдаса, Буйнакскалдаса, Каспийскалдаса, Южно-Сухокумскалдаса, Гъизилюрталдаса цIалдохъабаз. Конкурсалъул ахиралда гьаруна хIасилал. ТIоцебесеб бакIалде вачIана Гъизляралдаса "Дунялалъул халкъазул культура" гимназиялдаса  ГIумаров Пахрудин. КIиабилеб бакI щвана тахшагьаралъул цIалдохъабазда гьоркьов бищунго пасихIго кечI рикIкIунев 30 школалъул цIалдохъан СултIание. Лъабабилеб бакI кьуна Каспийск шагьаралъул 6 школалъул цIалдохъан ХIасанова ГIайшатие.  

***
МагIарул мацIалда республикаялъул школазул лъималаз рикIкIунел  кучIдузул чвахиялъухъ гIенеккизе данделъун рукIана 21 февралалда ДИРОялде. БацIцIадаб магIарул мацI, гIагараб миллаталъул гIадатлъи цIунараб парталгун рахьдал мацIалъул байрамалде рачIараз берцин гьабун букIана сверухълъи. Гьез цадахъ бачIун бугин кколаан мугIрузда рещтIине къваригIун хаселгун къеркьолеб бугеб ихдалил махIалги, гIазукьан баккизе байбихьараб дерецалъул саламги, мугIруздасан гIодилаго чвахулеб бугеб гIазул чилиги, гьеб кинабго берич гьабулел магIарухъа хIанчIазул хIайранал кучIдулги. Дидаса рикIкIалъана магIарул мацI хвезе бегьулин абурал пашманал пикрабиги. ЦIалдохъабаз цоги нухалда ракIалде щвезаруна миллаталъул тарихги, тарихалда лъалкIал тарал бахIарчиял магIарулалги, умумузул гIадаталги, гIаданлъиялъ цIар рагIараб магIаруллъиги. Гьаруна кучIдул пасихIго рикIкIиналъул къецазул хIасилалги. Росабазул школазул цIалдохъабазда гьоркьоб тIоцебесеб бакI щвана Буйнакск районалъул ЧIикIаб кIиабилеб гьоркьохъеб школалъул цIалдохъан Халидов Рамазание. КIиабилеб бакIалъе мустахIикълъана БагIараб росдал Хунзахъ районалъул ХIариколо росдал хъутан гьоркьохъеб школалъул цIалдохъан МухIамад ХIабибов ва ГIахьвахъ районалъул МестIерухъ гьоркьохъеб школалъул цIалдохъан ГIабдулаева Аминат. Лъабабилеб бакIалде рачIана Унсоколо гьоркьохъеб школалъул цIалдохъан ГIабдулаева Марям- Асият ва ЦIумада районалъул Гьигьалъ гьоркьохъеб школалъул цIалдохъан Шамилова Муи. Тавпикъ кьеги миллаталъул гвангъараб букIинесеб кодоб бугеб гIун бачIунеб гIелалъе гIагараб каламалъул берцинлъи хадусел наслабазеги цIунизе.



Автор: Шамай Хъазанбиева

Газета №: 7, от 23. 02. 2017 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!