Сделать домашней|Добавить в избранное
 
на правах рекламы

БукIинеселде гали

  • Версия для печати
Добавил(а): istina от 27-01-2017, 14:22
Гъира букIана учительлъун яхъине
ПатIиматица хIаракат бахъула цIалдохъабазул пикрияб рахъ цебетIезабизе, букIинеселде гьезул рокьи бижизабизе 

ЧIарада районалъул Кьорош росдал гьоркьохъеб школалъул рахьдал мацIалъул учительница ПатIимат МухIамадгIалиевалъ, 2007 соналда ДГУялъул филологиялъул факультет лъугIизабидал, хIалтIизе байбихьана Кьорош росдал гьоркьохъеб школалда магIарул мацIалъул учительницалъун. ТIоцебесеб къоялдаса нахъего гьелъ кIвар кьуна цIалдохъабазул лъай камиллъизабиялде. ХIасилалги лъикIал ккана. Щибаб соналъ тIобитIулеб олимпиадаялда  цIалдохъабаз росула призалъулал бакIал. Гъоркьисала гьелъул щуго цIалдохъан мустахIикълъана тIоцебесеб бакIалъе. 
ПатIиматица тIоцебесеб бакI ккуна гъоркьисала районалда тIобитIараб "Самый классный классный" абураб къецалда. "Рахьдал мацIалъул бищун лъикIай учитель" абураб конкурсалда районалда чIчIел босарай гьей йитIана республикаялъул къецалда гIахьаллъизе ва гьениб щвана кIиабилеб бакI. Гьелъ гIуцIараб рахьдал мацIалъул кабинетги районалдаго реццалъе мустахIикъаблъун рикIкIана. 
"Басриябги цIуне - цIиябги лъай" абун хъвараб ахIи бан буго гьелъ кабинеталъул къадада. Гьеб стендалда рихьизарун руго кьер-кьерал суратаздалъун цересел гIадатал ва хIалтIаби - лал тIами, хур бекьи, ганчIил гьабаз ролъ ххеней. Руго цIиял гIадатазул бицунел сураталги. Кабинеталда руго халкъиял ва районалъул поэтазул суратал, ЧIарада районалъул карта ва хасаб стенд гьабун буго рахьдал мацIалъул дарсида жигаралда гIахьаллъулел цIалдохъабазул суратазулги. АскIобго буго цIалдохъабазул кучIдул хъвараб къадал газетаги.



Автор: ХIажи ГIумаров, ЧIарада район, ЦIулда росу

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!