Сделать домашней|Добавить в избранное
 
Главная » Горянка - МагIарулай » Сундулъго яхI рехуларей ПатIимат
на правах рекламы

Сундулъго яхI рехуларей ПатIимат

  • Версия для печати
Добавил(а): istina от 20-01-2017, 11:08
Сундулъго яхI рехуларей ПатIимат къадруялда йиго росасул кьибилалъе
Унеб букIана гIагарал чагIазул бертин. ПатIиматгун цадахъ гIодор чIаразда гьоркьов вукIана гьелъул хварав росасул вацгIал, полковник Насрулагьил ГIабдулагь. Килщида бугеб баргъичалде ПатIиматил берщвараблъи бихьарав ГIабдулагьица хехго килщидаса баргъич бахъана ва гьеб гьелъул килщида бана. ПатIиматица гьеб къабул гьабулеб букIинчIо.

- ПатIимат, - ан абуна гьес, - гьаб буго бихьиназул баргъич, амма мунгIан гьеб базе мустахIикъай гIадан дида лъаларо, мун бихьинчиясул багьаяй йиго! Кидаго борхатго цIунана дуца расасул къадру, гIезаруна мустахIикъал лъимал. 
ПатIиматидаса чIухIизе гьесул бакIги букIана: щуго сон барай цо, лъагIелгун хадуб барай цоги ясги тун, къадаралде щвана ПатIиматил рос. Данделъаралдаса гьез гIумру гьабулеб букIана Каспийск шагьаралда.
СалахIудин хIалтIулев вукIана мухIканаб механикаялъул заводалда ва заочно цIалулев вукIана Ленинградалъул гуми гьарулеб  институталъул Каспийскалда бугеб филиалалда. Данделъун гьенире щведал, ПатIиматги гьение хIалтIизе лъугьана. ПатIиматги СалахIудинги рукIана ракIбащадал, цоцазе хириял рос-лъади. Цо-цояз махсараде гIадин абулаан лъадудаса рос берцинав вугин, амма СалахIудинида лъикIго лъалаан лъадул рекIел берцинлъи. Рос хведал, кинабго рокьиги лъималазде  буссинабун, гьел кIудиял гIезариялъе тIамуна ПатIиматица тIолабго гIумру.
 Унел рукIана сонал. Ясал школалде хьвадулел рукIана. Классазда гьарулел киналго ишазулъ Ирайгьанат камураб мажлис нагагьги букIунароан. Гьей йикIана сундулъго цеехъан. ТIоцересел классаздасанго лъикI цIалулезда гьоркьоб рехсана гьелъул цIар. Олимпиадабазда бергьенлъабиги гIемерал росана. Элмирал (кIудияй ясалъул) анищ букIана  медсестралъун яхъине. Гьелъ лъугIизабуна медучилище.
ГIемерал соназ хIалтIана ПатIимат гIадатияй хIалтIухъанлъун заводалда. Сундулъго яхI рехуларей, къисматалъул хIалбихьиги хIасратав росасул камиги кIигъеж гьабун баччарай ПатIимат къадруялда йикIана росасул кьибилалъеги. Гьей гьоркьой гьечIеб дандеруссин нагагьги букIунароан гьезул. Жеги лъимал школалда цIалулеб мехалъго, ПатIиматие щвана кIиго рукъалъул секция. Ясал, вузаздаги цIализарун, рукъалдеги руссинаруна ПатIиматица. Лъимал талихIал рукIингIан кIудияб рохел щибха эбелалъе букIинеб? Гьезул берцинал хъизаназдаса йохун йикIуна  ПатIиматги. 

Автор: Майсарат Сайпудинова

Газета №: 2, от 20 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!