Сделать домашней|Добавить в избранное
 
Главная » Политика » Анкьил хIасилал
на правах рекламы

Анкьил хIасилал

  • Версия для печати
Добавил(а): istina от 23-12-2016, 14:30
25 соналъ цебе Россиялъул Федерациялъул Конституциялъулаб Суд гIуцIараб регионазул тIоцебесеблъун Дагъистан букIанин абуна данделъиялда Рамазан ГIабдулатIиповас. Гьеб гIуцIун букIана регионалда конституциялъулаб гIуцIи ва ватIанчагIазул ихтиярал цIуниялъул мурадалдаянги абуна гьес.
"Гьеб заманалда Россиялда гьарулел рукIана политикиялгун правоялъул кьочIолал хиса-басиял. Аслияб кIвар буссинабун букIана жибго жиндаго бараб пачалихъ гIуцIиялде, федералияб централъулгун бухьенал мухIкан гьариялде, республикаялъул букIинесеб цебетIеялъул пикру камиллъизабиялде. Гьеб мехалда, лъиданиги бачIеб пачалихъ гIуцIиялъул декларациялдаса инкарги гьабун, гIакъилал дагъистанияз къабул гьабуна гIемермиллатазулаб Россиялъул хъизаналда цадахъаб гIумру гьабиялъул пикру.
Конституциялъулаб Суд тасдикъ гьабиялда цадахъго республикаялда гIуцIана пачалихъиял идарабиги, гьелъул законал хIадурулел, гьел тIуразарулел бутIабигун гIадлу-низам цIуниялда хадуб халкколеб судги. Дагъистаналда чIара-хьараб хIал букIинабиялъулъ кIудияб бутIа лъуна ДРялъул Конституциялъулаб Судалъги. ЖамгIияталъул масъалаби тIуразариялъе жиндир бугеб кIвар бихьизабуна гьелъ къокъаб заманалда жаниб лъиданиги бачIеб пачалихъияб идара хIисабалда Дагъистаналъул Конституциялъул кьучIалда гьелъ нухда бачана право цIуниялъул захIматаб иш", - анги абун, Конституциялъулаб Судалъул хIалтIухъабазда байрам баркана Рамазан ГIабдулатIиповас ва гьезие гьарана хIалтIулъ икъбал.
ДРялъул Конституциялъулаб Судалъул председатель МухIамад Халитовас бицана идараялъул захIматаб, амма республикаялда закон цIуниялъе чара гьечIого хIажатаб хIалтIул, инсанасул ихтияралгун регионалда демократия цIуниялъул мурадалда гьабулеб хIаракаталъул хIакъалъулъ. "ЦIар бахъараб хIалтIухъ" абураб медаль кьуна МухIамад Халитовасе ДРялъул бетIерас. Конституциялъулаб Судалъул хIалтIухъабазе хIурматалъул кагъталгун сайгъаталги кьуна данделъиялда.
Конференциялда гIахьаллъана Башкортостаналъул Конституциялъулаб Судалъул председатель Зуфар Еникеевги. Гьес бицана федералиял дандеруссиназда кIвар кьолел суалазул ва Дагъистаналъул судалъулгун ругел бухьеназул хIакъалъулъ.

Автор: ФИО или фамилия и инициалы автора

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!