Сделать домашней|Добавить в избранное
 
на правах рекламы

Методика

  • Версия для печати
Добавил(а): istina от 18-11-2016, 13:44
Школалда адабият малъизе гIуцIараб программаялда мустахIикъаб бакI ккола МухIамад Шамхаловасул асараз. Масала, "Зурмихъабазул нохъода", "ЧIегIераб чу" (5 классалда), "Баркаман" абураб хабар 6 классалда, "Вац" абураб хабар 8 классалда, "Тамашаяв гьобол" 7 классалда, "Буран" абураб роман 11 классалда. 
МухIамадица цIалдохъабазе хъварал асаразе хасиятал рахъал гвангъун рихьула "Зурмихъабазул нохъода" ва "Вац" абурал харбазулъ. Гьесда гъваридго лъалаан школалъул гIумруялъул лъималазул психология. 
Микьабилеб классалда малъула "Вац" абураб хабар.  
Нилъеда цебечIола бакъуде керен кьураб, гохI-щобазда гьоркьоб бугеб магIарул росу. Бакъанил мех. Жеги тIасияб авалалда бакъ тIаса босун гьечIо. Гьеб тIасияб авалалде гочун уней гIолилалъул халатаб рагIад буго цебеса цебе бекерулеб. МагIарул ясазул сахалщинал рахъалги тIасарищун, гIуцIун буго Алипатил сипат: "Сверун тIогьол накъищаз берцин гьабураб хъахIаб квербацIцIалда  гъоркьан раккарал гъалазда баизе бокьун бугин бакъул чIоразеян кколаан. ГIадатияб, амма тIадрекъараб кIаланчIадил ретIел ретIарай, гьей чIурканай, йорхатай яс жидеде гIагарлъарайго, лъугIун ана... гIолохъабазул къец, борхараб гаргар. Изнуго гьечIого, гьей ячIунеб рахъалде руссана гьезул берал". 
Ясалда абизе мустахIикъал рагIабиги ратичIого, гIолохъабаз сихIкъотIун бераз тIойитIула гьей. Гьезул берда цее гIуна Алипат. Гьезда лъала гьелъул тIабигIат-гIамал, намус-яхIалъул борхалъи, цIодорлъи. ЦохIо тIасан бихьулеб берцинлъи гурони  гьезда лъаларебани, гьел нахъе къалароан гьей гаргазайизе, махсарадал рагIаби рехизе. 
КIудияб махщалида Шамхаловас дагь-дагьккун рагьулеб буго росуго цIун йикIарай ясалъул аваданаб гIумру, чIегIераб халатаб рагIадги тун,  бакъ унеб гIадин, сунеб букIин, гIолохъабазги гьей бераз тIойитIи, гьелъул гьаракь-бакъан къотIиялъе гIилла. 
Эбелалъе бокьун буго жиндирго вацасул васасе Алипат кьезе. Цебего рагIи бицун, бертаде хIадурлъиялде ирга щун буго. Гьеб гIагарлъанагIан Алипатги гьалаглъулей йиго. Эбелалъул адабги цIунун, Алипатида кIолеб гьечIо жиндие вацгIал Къумач рослъун вукIине вокьиларилан тIирун эбелалъе инкар гьабизе. Гьелда лъала вацасе кьураб рагIудаса эбел кьуризайизе кIолареблъи. Гьелъ буго кечI-бакъаналдасаги гIумруялдасаги рокьи бичун. 
Гьелъ къасд гьабула жинда тIаде бачIараб балагьалъул хIакъалъулъ МухIамадихъе хъвазе. АнцIго нухалъ хъвазе лъугьуна, амма кIоларо: "Кинха вацасухъе хъвалебги. Вай, кIоларо... КIоларо... КIоларо", - янги абун, гIодоб къаламги речIчIун, гIодула гьей. Гьедин рагьула авторас жиндирго багьадуралъул рухIияб дунял. Алипатида лъала, вац вачIани, гьесда бицинчIого, бихьизе букIин жинда бугеб хIал. Живго Аллагьасде гIадаб хьул буго гьитIинай яцалъул кIудияв вацасде, жинда тIаде бегараб балагь тIаса босилилан. Гьелъул талихIалъ, МухIамад ишалъулаб хъулухъалъ Болъихъе вачIуна. 
МухIамадие кидаго цогидал вацал-яцаздаса цIикIкIун йокьула гьитIинай яц Алипат. Гьесул рекIелъ хIинкъигицин букIуна гьей цIакъ ракIрагьарай, хIалимай ва намусай ясалъул гIумру талихIкъараб букIинадаян абун. ВацгIал-яцгIалзабазда гьоркьоб ригьин гьабизе я шаргIалъ, я законалъ гьукъараб гьечIониги, МухIамад вукIана таваккалго гьелда дандечIарав чи. 

Автор: ФИО или фамилия и инициалы автора

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!