Сделать домашней|Добавить в избранное
 
Главная » Общество - ЖамгIият » "Дагъпечать" ГАУялъул нухмалъиялъ газеталгун журналал хъваялъе бигьалъи гьабулеб буго
на правах рекламы

"Дагъпечать" ГАУялъул нухмалъиялъ газеталгун журналал хъваялъе бигьалъи гьабулеб буго

  • Версия для печати
Добавил(а): istina от 11-11-2016, 13:20



Телефоналде гIарац рехулеб терминалалдасан лъагIалие газетагун журнал хъвазе бегьула гьанже. Гьелъие квербакъана "Сотас" терминалазул хважаинзабазулгун "Дагъпечаталъ" гьабураб къотIи-къаялъ. 

Терминалалъул малъа-хъваязда рекъон, газета яги журнал хъвазе бегьула. Гьелъул бетIераб экраналда буго "Дагъпечать" абун хъвараб кнопка. Гьелда тIад килищ цвизабуни, цIезаризе кколел мухъал цере рачIуна. Гьел мухъазда хъвазе ккола газеталъул яги журналалъул цIар, щвезабизе кколеб адрес ва подпискаялъухъ гIарац жанибе рехизе ккола. 
"Россиялъул почтаялъ", "Регионазда гьоркьосеб подпискаялъул агентствоялъ" рихьизарурал багьабаздаса 40-50 проценталъ учузго гьабула "Дагъпечаталъ" подписка. Гьелъул багьа-къадар бараб букIуна хъвалеб газеталда яги журналалда. Терминалалдасан подписка гьабуралъухъ гIарцудаса процент бахъунгутIизеги къотIи гьабун буго.
"ГIолохъанаб гIелалда телефоназдасан Интернеталде раккун бажарула. Гьенисан газеталги цIалула гьезул гIемерисез. Амма нилъеда лъала, газетал цIалулел гIадамазул гIемерисел ккола кIудияб ригьалъул гIадамал, ай нилъер эбел-эмен. Гьезие сайгъат хIисабалда гIолилаз терминалаздасан газетал ва журналал хъваялде хьул буго нижер. ГьедигIан магIнаяб, жибго гьитIинабин кканиги, кIудияб кIваралъул сайгъат гьабизе щивго барахщиларинги ракIалде ккола. "Эбел-инсуе сайгъат гьабе газета!" акциялда рекъон, подпискаялъул багьа 15 проценталъ учузлъизабун буго. Гьеб акция тIобитIулеб буго 2016 соналъул 31 декабралде щвезегIан", - ан бицана "Дагъпечаталъул" директор Сергей Снегиревас.
Декабралдаса нахъе лъагIалие яги бащдаб лъагIалие хъварал газеталгун журналал росабазул, районазул библиотекабаздаса росизе бегьулинги абулеб буго "Дагъпечаталъул" вакилас. Газеталгун журналал щвезарулел бакIазул адрес балагьизе бегьула идараялъул сайталдаги: dagestan.press.


Автор: Муса АЗАЕВ

Газета №: 45, от 11. 11. 2016 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!