Сделать домашней|Добавить в избранное
 
на правах рекламы

Хабар

  • Версия для печати
Добавил(а): istina от 7-11-2016, 10:53
БагIарлъун, тIогьиллъун рукIана тIаса пихъ тIагIарал гъутIбузул тIанхал. Роол заманалда гьелгун недегьго шуршудулеб букIараб гьури гьанже ццидахунеб ва хIенчезе лъугьунеб букIана. Гьелъ тIанхал, тIутIун ран, нухазда, хур-ссаналъул ракьанлъабазда тIиритIулел рукIана. Хурзабахъ барщун бугеб цIоросаролъ, бихъизе хилиги гьабун, къватIибе баккун, бакъуде гьим-гьидулеб букIана. БугIа-ролъ хурзабахъа бецун, хIамуз ва гьаказ баччун, росу сверухъе, гьоцIабахъ гьарурал гIаразде буссинабун бугоан. ХIенчолел михъазул чIахIиял тIорал ратулаан гъоркьехун ва тIадехун нухда гIодоре рортун. ТIохазда тIибитIун, тIад наккдал хIурги ккун, бихьулаан хъвалхьун бакъвазе бараб гени-гIеч. Рагъабазул хIубазда далун рихьулаан ражидул, порол, цIоросаролъил гъалал. Кибе бер тIамуниги, гьацIулаб кьер базабун букIана хасалихълъиялъ магъда. Гьединаб беричаб, жибго бечедаб букIиналъ батила хасалихълъиялда меседилабилан абулебги.
Меседилаб хасалихълъиялъул цо пуланаб къоялъ гьоцIив лалда оцал рацIулев вукIана ХIасан. Ричун гулалгун, гьурщун гьоцIу цIезабун бугеб тIощалида тIасан тIадагьго хъурщун унел рукIана бакIал лулби. Цо-цо лоленалда тIад цо-цо хIетIеги чIун, лъедон унеб мехалъ букIунеб лазат щибха нужеда лъалеб?! Хъар-хъар-хъарилан бакъвараб сум лулбуз гъоркье бачун уна ва къвакIарал мачIуяз хъуризабула. Оцал мутIигIал, гIодоре риччарал ругони, лулбузда тIад гIодовги чIун, гьел рацIизеги бегьула. Машинаялда тIад къогогIан лъикI букIуна гьениб. Машинаялъ мун эхе-эхеде рехула, чIучIадизавула. Лулбузда тIад абуни, гъоркь гамачIги лъун, гIодов чIаниги, тамахго бугилан ккола, бокьани гIедерго рачине бегьула оцал, бокьани хIинцго тезе бегьула. 

Автор: М. МухIамадов

Газета №: 44, от 4. 11. 2016 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!