Сделать домашней|Добавить в избранное
 
Главная » Ваши письма - Нужер кагътал » ХIажизабазул кумекчагIи
на правах рекламы

ХIажизабазул кумекчагIи

  • Версия для печати
Добавил(а): istina от 26-10-2016, 11:29
ХIажизабазул кумекчагIи
Исана хIежалде ун вукIана 6000-гIан чи. 
Ками ккечIого, мурадги тIубан, берцинго тIадруссана гьел

 

Щибаб соналъ гIадин, исанаги хIежалде Дагъистаналдаса ана чанго азарго чи. Аллагьасул цIобалдалъун, гьезда гьоркьове дунги ккана. Жидеда тIадаб борчги тIубан тIадруссун ратила киналго хIажизаби. Аллагьас къабул гьабун батаги киназулго борхараб хIеж. Дагъистаналъего гIураб баракатгун, лъикIлъигун ватIаналде, гьоркьоса чи камичIого, руссун ратаги нуж киналго!

АнцIго соналъ цеве вукIана дун тIоцеве хIежалда. ТIадвуссун щведал  газеталда бахъун  букIана "ХIажизабазул гIарзал" абураб цIаралда гъоркь макъала. Доб мехалъ рукIарал гIунгутIабиги, квекIеналги, захIмалъабиги гьаб нухалъ нижеда дандчIвачIо. Кинабго гIуцIун батана хIажизабазе санагIатаб куцалъ. МахIачхъалаялдаса къватIире сапаралъ рахъаралдаса, тIадруссун нахъе  щвезегIан, ниж разияб хIалалъ ана кинабго.
"Марва-туралъул"  хIаракаталъ, хIажизабазе гIарз бахъизе цониги хашаб рахъалъул хIужа ккезе биччачIо. 
Нухда сапаралдаги, Мадинаялдагун Маккаялда рарал къояздаги, къотIизе течIо нижее къокъабазул бутIруз гьабулеб вагIза-насихIат, щибаб къоялъ гьел кIиго-лъабго нухалъниги щолаан нижехъе раккизе, цIехана нижер сахлъиялъул, щивасул мурад, балагьана камураб-тараб жо бугищали. Рокъоб жидерго лъималазул гьабулеб батиларо гьез нижер гьабураб тIалаб-агъаз. Гьел гIолохъабазул кумекалдалъун, ракIалде ккола, ва хьулги буго, гъалатI ккечIого, Аллагь разияб хIалалда ун батилин хIеж-гIумраги, гьениб гьабурабщинаб гIамалгун гIибадатги.
Бицунеб хабарги кьучIав, кIалдиб рагIиги бегIерав чи ватана 14-абилеб рейсалъул нухмалъулев, Унсоколо районалъул Балахьуниса ГIабасов Жамалудин.  Гьесул кумекчи ункъабилеб къокъаялъул бетIер гьебго росулъа НурмухIамадов Улубий  вихьизеги, ватизеги ракIгъурав гьалмагъ. Щивасул мурад тIубаялъе макьуги квенги тун, жиндаса бажарарабщинаб гьабуна гьев бахIарчияс хIажизабазе гIоло. Цойги къокъаялъул бетIерлъуда вукIана Хунзахъ районалъул Мущулиса ХIажиев Шамил. Гьесухъа бажарана щивасе эменлъиги вацлъиги гьабизе, гьасул хIаракаталдаса разиго хутIана хIажизаби. Гьесде къокъацояз абулаан "нижер Шамилилан".
Гьединго, къокъабазул бутIруллъун рукIана Гумбет районалъул Инхо росулъа Сайгитов ДибирхIажи, Хьаргаби районалъул МагIлиса Исубов МухIамадхайир. 
Нижер 14-абилеб рейсалъул киналго хIажизабазул рахъалдасан, дие бокьун буго ракI-ракIалъулаб баркала кьезе гьал церехун рехсарал гIолохъабазе, гьез гьабураб ракIбацIцIадаб хъулухъалъухъ, нижеда аскIоб гьабураб кIудияб сабуралъухъ, гьабураб берцинаб накъиталъухъ, хIеж битIун борхизе гьездаса щвараб кIудияб кумекалъухъ. Аллагь разилъаги, Аллагьас кIодо гьареги нуж, кирилъун хъван батаги нижее гIоло бицанщинаб хабарги, бахъанщинаб галиги.
Дида ккола "Марва-туралъул" хIалтIи тIадегIанаб даражаялда гIуцIизе ва тIобитIизе букIинчIин, гьелъул бетIерлъуда лъайги, бажариги бугев гIуцIарухъанлъиялъул хIалбихьиги бугев, ракIбацIцIадго хIалтIиги гьабулев чи вукIинчIевани. 




Автор: ХIажичи Къурбан ГIумаров, ЛъаратIа район

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!