Сделать домашней|Добавить в избранное
 
Главная » Религия - Дин ва гIумру » Тавбуялъул ва сабруялъул моцI
на правах рекламы

Тавбуялъул ва сабруялъул моцI

  • Версия для печати
Добавил(а): istina от 17-06-2016, 10:24
Щибаб жоялъул букIуна рагьу. ГIибадаталъул рагьу буго кIалкквей

Щибаб сардилъ Аллагьас ахIулила: "Вугищ мунагьал чуризе бокьарав чи, Дица гьесул мунагьал чуризе руго. Вугищ дугIа гьабулев чи, Дица гьесул дугIаялъе жаваб гьабизе буго. Вугищ Диде вуссине бокьарав чи, Дун гьесде вуссине вуго", - ян. Гьалдаса кIудияб рахIмат инсанасда дунял-ахираталда дандчIвазеги гьечIо. Гьаб давла босарав чиги вуго талихIав ва  гьалдаса махIрумлъарав вуго талихIкъарав.

Пикру гьабеха, дур буго гIемераб боцIи, лъимал, кIудияб мина, лъикIаб машина,  хъулухъ. Амма ахираталда дуда абуни, дур мунагьал чуричIин, щиб пайдаха ккараб гьеб магIишаталъул? Гьединлъидал, нилъеца Аллагьасе рецц гьабизе ккола гьаб рамазаналъги нилъ чIаго таралъухъ. Чан чи вугев араб соналъ нилъеда цадахъ вукIарав, амма исана нилъгун таравихIал разе кIвечIев, чан чи хварав, чан чи унтун бусада лъурав?
КIалкквей ккола иманалъул ункъил бутIа гьабун цо бутIа. Щайгурелъул, аварагас  абун буго: "КIалкквей буго сабруялъул бащалъи", - ян. Хадубги Хирияс абун буго:  "Сабру ккола иманалъул бащалъи", - ян. Жакъа инсанасухъа гIемераб жоялъул хIисаб гьабун бажарула, техника бугелъулха цебетIун, амма сабру гьабурав чиясе букIунеб кириялъул хIисаб гьабун лъихъаниги бажаруларо. Гьеб хиралъиги буго кIал ккурав чиясе. Цоги, аварагас  абун буго: "Алжаналда жаниб буго рагьу, гьелда цIарги буго Раяян. КIалккурав чи гурого гьеб рагьдухъан лъугьунаро", - ян. Хадубги аварагас къотIи гьабулеб буго гьадин: "КIалккурав чиясе буго кIиго рохел: кIал биччаялда аскIоб ва Аллагьгун дандчIвайдал бугеб". Гьелдасан нилъеда бичIчIула кIалккурав чи Аллагьгун дандчIван вохизе вукIин.  
Хирияс  абулеб буго: "Щибаб жоялъул букIуна рагьу, гIибадаталъул рагьу буго кIал кквей", - абун. Сундулго букIуна байбихьи: мина балаго кьучI лъола, къадал рала, тIох гьабула. Гьелъул гIаксалда, цин къадалги ран хадуб кьучI лъоларо. ГIибадатги инсанасухъа лъугьине ккани инсанас кIал ккола. Щайгурелъул, кIал кквеялдалъун инсанасул бидурихьал къварилъула, бидурихьал къварилъидал гьесул чорхолъ щайтIаналъе чIезе бакI хутIуларо. ЩайтIан чорхолъ бугеб напсалда Аллагь лъазе рес гьечIо. Гьединлъидалин аварагас  абураб: "КIалкквей гIибадатазул рагьу буго", - ян. 
Рамазан буго лъикIлъаби гьарулезул моцI. ГIемерал гIадамал рукIуна тIубараб лъагIалица мунагьал гьарулел. Масала, кучIдузухъ гIенеккун, руччабигун жуван, хъалиян бухIиялда даимлъун. ХIатта щибаб къойил цо-цо пачка хъалиябазул бухIула. Гьеб тезе кIоларинги гаргадулел рукIуна. Амма кIалккурав чиясда хъалиян тезе бигьаго кIола. Гьединлъидалин рамазаналъ тавбу гьабизе, мунагьал гьаричIого тезе жигар бахъизе кколеб.  Амма кири щвезе ккани, ракъи-къеч теялдалъун къокълъуларо. КваначIого индусалги чIола, лъим гьекъечIого вараниялъги яхI бахъула. КIалалъул кири щвезе ккани цIунизе ккола адабал. Лъазе ккола кIалалъул кири щиб гьабидал холебалиги. Аварагасул  заманалда кIиго чIужугIадан,  бухIараб салул авлахъалда, кIалги ккун, кутакалда яхI хун, лъавудаса инехъин рукIун руго.  Гьез аварагасухъе  чи витIун вуго жидерго бугеб хIалги бицун. Аварагас  гьезие жавабги кьечIого, гьезухъе битIун буго цо цIарагI, нужеца кванараб жо гьалде жанибе лагIейиланги абун.  Руччабаз гIажаиблъи гьабун буго ва аварагас  малъараб гьабизе кколелъул, гьел цIарагIалъубе лагIун руго. Гьезги лагIун буго гьанал кесек ва бидул реччел. Цинги гIадамаз гIажаиблъи гьабун буго. Аварагас   гьезде хабар ккезабун буго нужеца кIалккун букIанин Аллагьас хIалал гьабураб жоялдасан, ай хIалалаб квен, лъим тун ва амма нужеца кIал хвезабунин хIарамаб гъибаталдалъун. Гьеб нужеца лагIараб жо бугин, нужеца гIадамазул кванараб гьан. Гьеле гьедин инсанас тIубараб къоялъ ккураб кIалалъул кири хвезабулеб буго гъибаталдалъун, мацI гьабиялдалъун, гьереси бициналдалъун. Гьеб киналдасаго цIунун рукIине ккола нилъ.


Автор: ГIабдула МухIамадов

Газета №: 24, от 17. 06. 2016 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!