Сделать домашней|Добавить в избранное
 
Главная » Материалы за 28.08.2013
на правах рекламы
Сортировать статьи по: дате | популярности | посещаемости | комментариям | алфавиту

Дагъистан - дагъистаниязул бераздалъун

Добавил(а): Musa от 28-08-2013, 13:44

  Дагъистан -  дагъистаниязул бераздалъун

ЛъаратIа районалда - халкъияб культураялъул фестиваль


Нилъер республикаялъул тIабигIияб берцинлъиялъ ва тарихалъулгун культурияб бечелъиялъ гIемерав чиясул ракI мугIрузде цIала. ЛъаратIа районалдайин абуни буго цебегоялдаса нахъе гIадамазул рукIа-рахъиналъе, рухIиябгун культурияб рахъазе кIвар бугеб Цамаури мегIер. Гьелъул цIар жиндие кьураб халкъияб фестиваль тIобитIана 18 августалда ЛъаратIа районалда. Рохалида къабул гьаруна ЛъаратIа районалъул Хидиб росдал гIадамаз гьалбал. 

 


 

Миллат цIехечIого рачIа гьоболлъухъ

Добавил(а): Musa от 28-08-2013, 13:30

Къокъаб заманалда 15 азаргогIанасев чи цолъана

 

 

21 августалда "ХIакъикъат" газеталъул редакциялда тIобитIана "Дагъистаналъул президентасул рахъкколел"  абураб гIуцIиялъул вакилзабаз, ай АхIмад ГIабдуразакъовас, МухIамадрасул МухIамадовас, АхIмад ШагIбановас, Шамсудин Асламхановас, Фикрет Карибовас гIахьаллъи гьабураб данделъи.

Караман: цо ракьул кIиго бетIергьан

Добавил(а): Musa от 28-08-2013, 13:25

Ахир бихьулареб вала-рахас

 

 

Чанго чиясе зарал ккана 21 августалда Караман абураб, МахIачхъалаялда аскIоб бугеб бакIалда ккараб тунка-гIусиялъул хIасилалда. Кяхулай поселокалъул жамгIияб советалъул нухмалъулев Залимхан Валиевас "Кавказузел" сайталъе бицухъе, дагIба-рагIиялъе байбихьи лъун буго лъарагI миллаталъул вакилзабаз. ГьабсагIатги ругила гьеб бакIалде республикаялъул батIи-батIиял районаздаса ва шагьараздаса лъарагIал рачIунел. Полициялъулаз низам цIунизе хIаракат бахъулеб буго.

Лъай гьечIевгун ургъани, ургъелал гIемерлъула

Добавил(а): Musa от 28-08-2013, 13:24

"Учитель вокьиялъги цIалуде гъира бижизабула"

 

 

20 августалда МахIачхъалаялда тIобитIана Лъай кьеялъул хIалтIухъабазул иргадулаб данделъи. Гьенир гIахьаллъана ДРялъул президентасул ишал тIуразарулев Рамазан ГIабдулатIипов, Халкъияб Собраниялъул депутатал, министерствабазул хIалтIухъаби, Лъай кьеялъул министерствоялъул вакилзаби, муниципалиял гIуцIабазул бутIрул ва ведомствабазул нухмалъулел.

Цолъизе заман щвана

Добавил(а): Musa от 28-08-2013, 13:19

ЖамагIаталъул газа кIочараб мех бачIун буго

 

 

Къварилъигун рохел
                гIахьал гьабулел,
ХIалае рахъине
                  хIадурго чIолел
  

Такъсирчиясул миллат букIунаро

Добавил(а): Musa от 28-08-2013, 13:16

Исламбег ГIалиевас лъил гIайиб жиндего босулеб бугеб?

 

 

Щибаб анкьалъ пачалихъиял СМИяз миллияб суал борхи гIадатияб ишлъун лъугьун буго. Гьелъие мисаллъун рехсезе бегьула гьал къоязда кавказалъулазда хурхараб иргадулаб хабар: март моцIалда "Зенит" футболалъул клубалъул фанат  Евгений Дмитриев жинца чIван вукIаниланги абун, Санкт-Петербургалъул полициялде вачIана ригь арав дагъистанияв. Амма такъсирчи жив вугилан Исламбег ГIалиев чIаниги, чIварасул гьудул-гьалмагъзабаз ва "Зениталъул" фанатаз лъазабулеб буго ГIалиев такъсирчи гурин, гьесул мурадлъун  кколин унго-унгояв чIвадарухъан вахчи.

КватIулел гьечIищ нилъ?

Добавил(а): Musa от 28-08-2013, 13:10

Масъалабиги захIмалъабиги руго федералиябги бакIалъулабги даражаялъул

 

 

   Дун щвана республикаялъул мугIрузул гIезегIан районазде. Дунгоги магIарухъ гIурав чи вугелъул, гьениб дида бихьараб-таралъул ургъелги рекIелъе рещтIинчIого хутIичIелъул, дица хIукму гьабуна гьелъул хIакъалъулъ дир пикраби загьир гьарун лъикIилан. Жидеда дандчIвалел ругел цо-цо захIмалъабазул дида бицана гьениб гIумру гьабун ругел гIадамаз. РакIалде ккола, гьезул захIмалъаби гIезегIанго цIикIкIун ругилан ва кIанцIун рахъун гьел тIуразе бажарулеб хIалги гьечIилан. Гьезда гьоркьоса цо-цо захIмалъаби битIахъего рухьарал руго федералияб бюджеталдаса гIарац биччаялда ва гьелъул иш тIубалел идарабазда. Гьел ккола школазда лъай кьей, районазул жанисел ишазул отделазул хIаракатчилъи гIуцIи, гIадамал социалияб рахъалъ хьезари ва федералияб кIваралъул нухал гьари гIадинал масъалаби. Цогидал захIмалъаби руго республикаялъул яги районалъул, жамагIаталъул даражаялда тIуразаризе кIолел. Къокъго абуни, хIажат буго гьениб тIадчIараб, тавакалаб ва жигараб хIалтIи гьабизе. ЦохIо ГIабдулатIипов Рамазание ва гьесул аппараталъе, бакIалъулал нухмалъиялъул идарабазда мугъчIвай гьабуниги, захIмалъизе буго гьел масъалаби тIуразаризе, гьениб лъугьун бугеб ахIвал-хIал лъикIаб рахъалдехун тIубанго хисизабизе. Гьединлъидал, гьединаб ахIвал-хIалалъ рахIатхвезабурал ва гьеб хисизабиялъе рухIги хIалги кьезе хIадурал жамагIатал гъорлъе рачине ккола гьеб кIвар бугеб ишалде, мугъчIвай гьабизе ккола гьенир ругел жигарал, ракIбацIцIадал гIадамазде. Цинги гьезул хIаракатчилъиги цо чIванкъотIараб нухде бачун, гIуцIизе ва гIумруялде бахъинабизе ккола пачалихъалъулги жамгIияталъулги цадахъаб хIалтIул хасаб программа. (Гьал мухъазул авторасул руго гьеб кин гIуцIилебали бихьизабулел цо-цо пикраби).
Гьанже гIатIидго ва иргадал бицинин тIадехун рехсарал захIмалъабазул, масъалабазул хIакъалъулъ.

Тохтурзабаз малъараб гьабизе ккола умумуз

Добавил(а): Musa от 28-08-2013, 13:07

Дагъистаналда менингит тIибитIиялда хIинкъи гьечIо

 

 

   Россиялъул цо-цо регионазда гIемерал лъимал менингиталъ унтиялъул лъугьа-бахъинал кколел руго. Июнь моцIалдаса нахъе унтун вуго 500 чи. Доналда бугеб Ростов шагьаралда  хун буго кIиго лъимер.

   Серозни абулеб менингиталъ унтараб лъимадул кутакалда бетIер унтула, сири бала ва лагIдезабула. Менингиталъ инсанасул гIадалнахул тIасияб гъат гьорозабула. Гьеб захIматаб унти бахунеб буго лъедасан, пихъидасан, овощаздасан, кванил нигIматаздасан, чорокал квераздасан. ГIемерисезде гьеб унти бахуна чорокаб ралъдалъ ва хIорахъ чвердолаго.

 

 

   Менингиталъул вирус бахиналдалъун лъимер хвей къанагIатаб хIужа ккола. Амма гьелъ унтарал гIакълу-пикруялъ нахъе ккарал, бидул тIадецуй цIикIкIарал, рукьабигун махIаби хIалтIуларел лъугьиналда хIинкъи букIуна.

 

 

   Менингиталда абула чорокал кверазул унтийиланги. Гьединлъидал, кваналелде цебе чара гьечIого чуризе ккола кверал, ххулизе ккола пихъалгун овощал, чвердезе бегьуларо бацIцIадаб гуреб лъелъ.
Дагъистаналда гьеб рахъалъ ругел масъалабазул бицун, республикаялъул рахунел унтабазул централъул отделениялъул нухмалъулей ПатIимат ШайихгIалиевалъулгун гара-чIвари гьабуна нижер мухбир Нури Нуриевас.

БецIаб рокъоб чIегIераб кету балагьичIого лъикI

Добавил(а): Musa от 28-08-2013, 13:03
"ХIакъикъат" цIалулезул цояс гьадин цIехолеб буго: "Аваразул музыкалиябгун драмаялъулаб театралда бугеб "ЧIагоял маймалаказул парад" абулеб жоялъул магIна щиб? МагIарулазул рухIияб кIалгIаялдайищ гьел рихьизаризе кколел? Кие балагьун йигей культураялъул министр?"

Шапакъаталъул бакIалда – тамихI

Добавил(а): Musa от 28-08-2013, 12:42

Брежневасул амруялъе инкар гьабизеги бахIарчилъи гIуна ГIабдурахIманил

 

   22 августалда 105 сон тIубана цIар рагIарав партийниявгун жамгIияв хIаракатчи, анцI-анцI соназ Дагъистаналъе бетIерлъи гьабурав ГIабдурахIман Даниялович Даниялов гьавуралдаса. Гьеб юбилеялде нижеца чанго номералда бахъана Шагьрудин Шамхаловасул "Дагъистаниял" тIехьалдаса лъикIаланго кIудияб бетIер - "ЛъабцIулго къасд гьабуна ГIабдурахIман хъулухъалдаса хъущтIизавизе" 


Назад Вперед
Наверх

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!