Сделать домашней|Добавить в избранное
 
Главная » Молодежь - ГIолохъанлъи » Эльтавалъул рохьобе сапар
на правах рекламы

Эльтавалъул рохьобе сапар

  • Версия для печати
Добавил(а): istina от 20-05-2016, 11:22

 ГIолилазул ракIбатулел цIиял къагIидаби ралагьулел руго вузазул факультетазул нухмалъулез

Дагъистаналъул пачалихъияб педагогияб университеталъул Инженериябгун педагогияб факультеталда лъикIаб гIадатлъун лъугьун буго Студентазул къо кIодо гьаби. Щибаб соналъ институталъул директорасда ва преподавательзабазда цадахъ хIухьбахъизе уна студентал. Исана гьединаб сапар гьабуна 23 маялда.

БукIинесеб сапаралъул факультеталъул къадал газеталдаса ва социалиял сетаздаса анкьалъ цебе лъазабуна Институталъул директор ХIайбулаев МухIамадица. ТIоцебесеб курсалдаса байбихьун щуабилеб курсалде щвезегIан киналго студентал ва магистрантал ахIулел рукIана Элтавалъул рохьоре хIухьбахъизе.
Сапаралде ине разилъана нусгогIанасев студент. Гьезда цадахъ рукIана преподавательзабиги. Цадахъ квен-тIехги босун, цо чанго маршруткаги бачун киналго ана ихдалил тIабигIаталъул бацIцIадаб гьаваялдаса кеп босизе. Факультетазул отделениязул деканал МухIамад Зияудиновас ва Телман РахIмановас цадахъ рачIана шашкаби, шахматал. Студентазухъ рукIана таргIал ва рекIелгъеялъе рес кьолел цогидал алатал. Рохьоре щвараб мехалда цояз торгIо кьабана, цогидаз шашкаби-шахматал хIана. Режана шашликIал. Аваданлъи гIатIид гьабуна МухIамад Зияудиновас пандурги хъван ахIарал кучIдузги.
ЛъикIаб хIухьбахъиги гьабун бакъаниде киналго рокъоре тIадруссана. Я нухлул харжалъе, я квен-тIехалъеян гIолилазухъа гIарац бакIаричIого, киназулго ракIал разияб тадбир гIуцIаралъухъ МухIамад ХIайбулаевасе баркала кьолеб букIана студентаз.

Автор: ПатIимат Сулейманова, ДГПУялъул ИПФялъул магистрант

Газета №: 20, от 20. 05. 2016 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!