Сделать домашней|Добавить в избранное
 
Главная » Молодежь - ГIолохъанлъи » Гулбузе къуркьичIел кьалул бахIарзал
на правах рекламы

Гулбузе къуркьичIел кьалул бахIарзал

  • Версия для печати
Добавил(а): istina от 20-05-2016, 10:57
Рагъул цIеца лъадарарал гьезул балаялъ гIолохъанаб гIелалъе цIидасан бицунеб буго тушманасул вахIщилъиялъулги, окопазул цIороялъулги, бухIулеб сверухълъиялъул махIалъулги, ракъи-къечалъулги, тушман вачахъизе жидерго букIараб хIасраталъулги.
Нуж рекIелъа камичIо! ЧIухIула нужедаса! Гьединаб ахIиялда гъоркь 29 апрелалда Ленинкент поселокалъул №35 гимназиялда тIобитIана рагъул ветераназул иргадулаб слет.
Слеталда гIахьалхьана нусгоялдасаги цIикIкIун чи: МахIачхъала шагьаралъул ветеранал, батIи-батIиял идарабазул хIалтIухъаби.
Байрам байбихьилалде цебе гимназиялъул цIалдохъабаз азбаралда рагьана Бергьенлъиялъул байрахъалъул кIудияб копия.
Ветераназе, рагъул гIахьалчагIазе кумекалъе кидаго хIадур рукIиналъул ТОКСалъул нухмалъулев, генерал ГIумар МуртазагIалиевасе рапорт кьуна 10 классалъул цIалдохъан Сайпула МухIамадовас.
Ленинкенталъул №35 гимназиялда цебего гIуцIун буго ТОКСалъул къокъа. Гьезул хIаракаталъул, гIолохъанаб гIелалъе кьолеб тарбия-лъаялъул ва гьенир тIоритIулел пайдаял тадбиразул республикаялъул телевидениялдаса чанцIулго бицана. Гьеб хIалтIулъ хасаб бакI ккола санайилго тIобитIулеб ветераназул слеталъ.
Берцинго къачIан букIана зал, хIадурун рукIана лъималазул ва учительзабазул церерахъинал. Залалда рукIана рагъул ветеранал, доб гIасияб рагъулъ бергьенлъи босарал бахIарзал. Щивав ветеранасе бокьун букIана рагъул нухазул, гIагараб ватIаналде рокьул бицине.
Жидерго рагъул нухазул, щакърахунаго, сородулеб гьаракьалъ ва цо хасаб чIухIигун бицана рагъул капитан Батирханов МухIамадица ДГУялъул профессор Мурсалов ГIабдулаца, Батиров МухIамадица, Петрухин Юрийца, Иванов Иваница, Садикъов Ибрагьим-Пашаца. Щивасул кIалъаялъги каламалъги иргадулаб нухалда бихьизабулеб букIана нилъее щвараб бергьенлъи цIакъго къиматаб букIин.
ГIумруялъул гIадатиял гурел нухал нахъа тарал ветераназул тарбия кьеялъулъ, цIияб гIел куцаялъулъ жакъа къоялъ бугеб кIудияб кIваралъул бицана №35 гимназиялъул директор Мажидова Чакарица. Бицана гимназиялъул ТОКСалъул 10 отрядалъ гьарурал лъикIал ишазул. "ГIолохъанаб гIелалъе тарбия кьеялъе гIоло гьарулел ишазухъ гимназиялъе кьуна Россиялъул патриот-централъул хасаб гIаламат, Бергьенлъиялъул къо тIобитIиялъе гIоло гьарулел ишазул ТIолгороссиялъул гIуцIиялъул комитеталъ бачIана Баркалаялъул кагъат", - ан бицана гимназиялъул директоралъ. ЦIа боркьараб рагъулъ гуллица гIужие росарал, ватIанги цIунун нахъ руссарал, жакъаги гIумруялъул цересел кьеразда ругел ветераназе баркала кьуна Чакар Мажидовалъ.
Гимназиялъул цIалдохъабаз ва учительзабаз ветераназе хIадур гьабун букIана лъикIаб концерт, столазда тIад букIана батIи-батIияб тIагIамаб квен. ГIолохъанаб мехалъ гIадин жигар-жангун кьурдизе рахъана гIемерасел ветеранал.
ДандчIваралго гIадин, кIиябго хьибилалда цIалдохъабиги эхетун чIун, нухарегIана ветеранал. Ветеранасул гъежги ккун, гьев рокъове щвезавизе щвеялдаса чIухIун рукIана цIалдохъаби. Республикаялъул ТIоцебесеб рахIмуялъул фондалъ ветераназе сайгъатал кьуна.

Автор: ПатIимат ХIАЙДАРБЕГОВА, Ленинкенталъул №35 гимназиялъул директорасул заместитель

Газета №: 20, от 20. 05. 2016 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!