Сделать домашней|Добавить в избранное
 
Главная » Новости - ЦIиял харбал » Районаздаса харбал
на правах рекламы

Районаздаса харбал

  • Версия для печати
Добавил(а): istina от 18-12-2015, 10:37
Гумбет

ВатIаналъул БахIарзазул къоялъул хIурматалда, Гумбет районалда тIобитIана КIудияб ВатIанияб рагъул гIахьалчагIазулгун дандчIвай. ГIолилал щвана рагъул гIахьалчагIазухъе. Гьез ветераназе кумек гьабун гIаздадаса нухал рацIцIад гьаруна, лъел цIуна, цIул бичIана.

 

Гъуниб
Гъуниб библиотекаялда тIобитIана поэт-фронтовик, драматург, таржамачи ГIабдулмажид Хачалов гьавуралдаса 90 сон тIубаялъул хIурматалда данделъи.
Гьелда гIахьаллъана районалъул бетIерасул заместителал ПатIимат Абакарова, МухIамад ГIисаев, районалъул школазул учительзаби ва цIалдохъаби. Данделъи рагьана шагIир, композитор Варис Нуровас. Бихьизабуна ГIабдулмажид Хачаловасул гIумруялъул ва творчествоялъул бицунеб фильм.
ШагIирасул гIумруялъул бицана ПатIимат Абакаровалъ, лъай кьеялъул отделалъул начальник МурсагIали МуртазагIалиевас, захIматалъул ветеран Камалудин МухIамадовас. ЦIалдохъабаз рикIкIана шагIирасул кучIдул.

 

Хунзахъ
14 декабралда ТIануси росдал библиотекаялъул ва культураялъул рукъалъул хIалтIухъабаз бихьизабуна кун дургъиялъул мастер-класс. Библиотекаялъул заведующая ПатIимат ГIабдулаевалъ бихьизабуна кун дургъизе бугеб махщел, бицана гьелъул балъголъабазул.
Районалъул культураялъул отделалъул начальник Ирайгьанат МухIамадовалъ бицана жакъа умумузул гIадатаздеги махщелалдеги районалъул щибаб росулъ кьолеб бугеб кIваралъул.

Хьаргаби
Хьаргаби росулъ, 14 соналде рахарал гIолилазе кьуна паспортал. Гьел кьеялъул тадбиралда гIахьаллъана ва кIалъаял гьаруна районалъул УФМСалъул начальник ГIабдула ГIабдулманаповас, ОМВДялъул инспектор Манаша Шарапудиновалъ, №1 гьоркьохъеб школалъул директорасул заместитель Шамил ХIажиевас, классазул нухмалъулез.

* * *
15 декабралда Хьаргаби районалъул бетIер Рамазан Малачилов журналисталгун, районалъул собраниялъул председатель МухIамадбашир ТIагьировгун, социалияб идараялъул специалист ДавудихIма ГIумаровгун цадахъ щвана Хъвартихьуни росулъа Насибова Махмусатил минаялда цIа ккараб бакIалде. Махмусатил хъизаналда буго инвалидазул рокъоса хьихьизе бачараб анлъго лъимер. Районалъул бетIерас рагIи кьуна гьеб хъизамалъе кумек гьабизе.

ЦIунтIа
14 декабралда ЦIунтIа районалъул бетIерасул заместителаз ва районалъул Собраниялъул вакилзабаз гIадамал къабул гьаруна. ЦIицIимах росулъа Н. ГIалиевас гьарана гIаздадаса нухал рацIцIад гьаризе кумек гьабейилан. КIиго-сордо къоялда жаниб нухал рацIцIад гьаризе рагIи кьуна районалъул бетIерасул заместитель ХI. ХIажимухIамадовас.
Мокъокъ росдал гьоркьохъеб школалъул учителас гIарз бахъана учительзабазе харжалде тIаде кьезе кколеб гъирабазабиялъул бутIа кьолеб гьечIин. Районалъул бетIерасул заместитель М. ГIабдулаевас рагIи кьуна гьеб суал тIубазабизе.
Гьинухъ росдал директор М. Юсуповас гьарана школалъе капиталияб ремонт гьабизе гIарац биччайилан. Районалъул собраниялъул председатель Аюб ХIамзатовас абуна кумек гьабизе хIаракат бахъилин.

 

Казбек
Районалъул бетIер ХIажимурад Мусаевасул тIадкъаялда рекъон, халгьабуна гIи-боцIуца хасел тIами кинаб ахIвал-хIалалда бугебали. Аслияб къагIидаялда магIишатазул хIадурлъи лъикI буго, амма "Хубар" МУПалда гIолеб гьечIо лъим.
Исана районалда цIикIкIана гIи-боцIул къадар, гIачияздаса бечIчIулеб рахь. Масала, араб соналде дандеккун, рахьдал къадар цIикIкIана 30 тоннаялъ, гьанал - 11 тоннаялъ.

Унсоколо
14 декабралда Унсоколо районалъул администрациялда районалъул бетIер ГIиса НурмухIамадовас, гьесул заместителал ХIажимурад ГIалихановас, администрациялъул юрист ПатIимат ГIалиевалъ тIаде къабул гьаруна районцоял.
ГIадамазул суалал рукIана нухазда, лъеда, газ бачиналда хурхарал. Гьеб къоялъ администрациялъул хIалтIухъабаз къабул гьавуна 17 чи.

 


 

 

Газета №: 49, от 18. 12. 2015 г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!