Сделать домашней|Добавить в избранное
 
Главная » Религия - Дин ва гIумру » НигIматалдаса инкар лъица гьабулеб?
на правах рекламы

НигIматалдаса инкар лъица гьабулеб?

  • Версия для печати
Добавил(а): istina от 17-11-2015, 10:32

Гьаб заманалда руччабазул унтараб суал буго жидеде тIаде росас кIиабилей ялъуни лъабабилей чIужу ячин. ЧIужугIаданалда бичIчIизе ккола рос гьелъ вичун восарав лагъ гуреблъи ва кIочене бегьуларо гьей росасе ун йикIин. Гьей лъугьине бегьуларо гьев жиндиего къуркьизавизе. 

Гьелда лъазе ккола росас жиндиего мутIигIайлъун йикIинелъун лъади ячун йикIин. Аллагьас гьелъие рос рахIматлъун кьун вукIинги кIочене бегьуларо. Гьединго, БетIергьанас изну кьун буго ункъо чIужу ячинеги. Амма гьебги кIочон, цо-цо руччаби Аллагьас кьураб изну россабазе гьукъизе рахъуна. ТIаде балагьун иманалъул цIурай гIадан, какги балей, кIалги кколей, Аллагьасул амруялда ва аварагас нухлъун бихьизабуралда данде яхъун ятула. Щай гьедин букIунеб? Щайгурелъул, инсан жиндирго напсалъе гIадлу гьабизе тохлъулев вукIун. Нилъер напсалъе къваригIуна жибго кIодо гьабизе, кинабго жо цохIо жиндиего щвезе, гIорцIун букIине. КигIан напс гIорцIизабизелъун нилъ лъугьаниги, гьеб гIорцIулареблъи нилъеда Аллагьас хIадисул къудсиялда бицунги буго: "Я Адамил лъимер, гьаб дунялалда бугебщинаб бечелъиги лъикIлъиги нужее кьуни, нужер напсалъе жеги гьедигIанасебго тIадеги къваригIуна", - ян.
Напсалда хадурги рилълъун гIакъуба кьола тIаде ячарай чIужуялъеги ва жийгоги гIодоегIан гьаюла Аллагьасда цее. Кинай гIаданалда абизе кIолеб гьеб ишалда гъорлъ Аллагь мекъи вугилан ва щай гьедин гурони чIеларин абун лъугьарай гIаданалда ракIалда кколареб Аллагьас жиндирго гIадин зобалазда магьари лъун, къадар хъван ячарай йикIин гъойги. Цойги, гьелъ пикру гьабизе кколеб жо гьечIищ, гьелъ росасе гIакъубаги кьун, тIаде ячаралъул ракIги бакъвазабун, гьел ратIалъиялъе гьей сабаблъун ккани, гьелъ бокьун жиндиего босулеб мунагьалъул. Рос-лъадиялда гьоркьоб маслихIаталъе гьересигицин бицине изну кьун бугони, гьеб мунагьги тIаде босун Аллагьасда цее кинаб гьумергун гьей яхъине йигей.
Киназдаго якъинго лъала, инсан лъикIаб бакIалде цIалевлъи. Рокъове вачIаравго росасда кIалал гьикъун, гьой гIадин данде хIапдон, цIорораб квен цебе рехун, гьесда гIамалал рихьизарун чIани, тIубанго долдехун вуссун гьев чIезеги рес бугеблъи.
ХIадисалда бицун буго нилъер аварагас жиндирго яс ФатIиматида абунила росгун къацандун, рос гьелдаса рази гьечIебгIан заманалда гьей хун йикIарайани, гьелда хадуб жаназаялъул как балароанин. Аварагас жиндирго ясалда абурал рагIаби нилъеца гIужие росизе ккарал гьечIищ ва гьедин нилъ хьвади суннат цIуни кколарищ?
ЧIужугIаданалъе бищун лъикIаб жо буго жиндирго гIорхъи лъан, гьеб цIуни. ТIаде ячаралъул рокъоеги яккичIого, жиндирго рокъоб бугелъул гурони ургъелги гьабичIого чIей.
Аллагьас цониги чIужугIаданалда гьикъуларо росасул чан чIужу йикIарайин, гьес гьел ращад гьарунищин. Аллагьас гьикъизе буго нилъедаса рос рази вукIанищин.
Гьадинги гьаб дунял тIаде бегарал нилъер бихьинал ва ахираталда гьезие букIине бугеб хIисаб-суалалъул ургъелги гьабун, гуреб жоялъе гIоло гьезул ракIал ракъвазаричIого бегьуларищ чIезе. ТIокIаб жо абичIониги, нилъедаго бугеб захIмалъиги бихьун, аскIов рос гьечIеб мехалда, диналъул яцалда ракI гурхIизе бегьуларищ, хасго гьаб заманалда.
Статистикаялъ бихьизабулеб буго цо бихьинчиясде данде 11 чIужугIадан йигеблъи. Аварагасул хIадисаз нилъеда бицун буго дунял ахиралде бакIарараб мехалда, цо бихьинчиясда данде 50 чIужугIадан йикIинилан. Щияй гIадан жиндирго росги ккун чIани, хутIаразда щиб гьабилеб?

 

 

Автор: Сапият МухIамадова

Газета №: 44, от 13. 11. 2015 г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!