Сделать домашней|Добавить в избранное
 
на правах рекламы

Маргьа

  • Версия для печати
Добавил(а): istina от 4-09-2015, 13:45
(Байбихьи 33-абилеб номералда)
ГIолилав гIоралъ инчIого хутIун ватиялдаса вохарав ханас гьеб гIиси-бикъинаб жоялде кIварго кьечIила, кьолон чуялгин чода Сахратие ретIине парталги къан, гьес жиндирго нукарал гIурул рагIалде ритIанила. Нечон, гьабизе жо тIагIун вугев Сахратида гьез парчаялъул партал ретIанила, чоде вахинавунила ва кIудияб адаб-хIурматалда ханасухъе вачанила. ТахбакIидаса тIадеги вахъун, къабул гьавунила вас ханас. ТIаса тIагъралги рахъун, гIодореги къулун, салам кьунила гьесие цогидазги. Цер васасул гIинде къуланила ва абунила сундаго тамашалъи гьабугейин, гьанив кIалгIаялда вижун ватарав гIадин вукIайин мун. Абухъе гьабунила Сахратицаги. Вас ханасул рекIелъ восанила. Ясги разилъанила гьесие лъадилъун ине.
Метер гъезе тараб къоркъода рачI гъечIого хутIун бугиланги абун, ханас буюранила бертин байбихьеян. ГIинтIа къали лъун, къетIа зурма лъун, зоб-ракьалда гьоркьоб бугебщинаб нигIмат квана-гьекъезе кьун кутакаб бертинги гьабунила, Сахратие ханасул ясги ячанила.
Анила анкь, анила кIиго. БахIаралъе бокьанила Сахратил улка-ракьалде щвезе, гьесул бечелъи-хазинаялъул хал-шал гьабизе. Рахъанила къватIире, къачIанила сапаралде. Ханас гьоко цIун сайгъат-саламги кодоб лъун, лъеберго рекIаравги цадахъ витIун нухда лъунила бахIарал. Бачунаго, кьабулаго, кьвагьдолаго унел рукIанила гьел.
Сахратида ургъел кканила киейин жиндица ханасул меседу ячинейин абун. Гьесул хIалги бичIчIун, цараца абунила жиб цебе-цебе инин, нуж хадур рачIайин гIедегIинчIого. РачIайин кIкIуйдул махI чIвараб рахъалдехун. ЛъикI бугин разилъанила Сахратги.
Бекеранила цер, бекеранила. Щванила гьеб цо аздагьоялъул кIалгIаялде. Жанибеги кIанцIун кIалъанила цер аздагьоялда: "РагIулищ, рагIулищ, балагь гIагарлъулеб буго!". Дур гIумруялъе кIудияб хIинкъи бугоян абунила гьелъ аздагьоялда.
Дие хIинкъи кьезе кIолев чигIаги щиван лъугьараб аздагьоялда рагIанила лъеберго къали цадахъ бухулеб гъугъай. Цараца абунила лъеберазарго рагъухъан вачIунев вугин гьеб чIвазе. Азарго чи данделъараб къокъаялда цеве цо-цо къолохъанги вугин, аскарги цIакъго яргъид хьезабун бугин, борчIизе бакI аздагьоялъеги гьечIин. Гьелъ аздагьо харил гIарахъалда жаниб бахчизабунила. Цинги цIаги гъун гIарахъги аздагьоги бухIанила. Гьел рухIулеб кIкIуйдул махIихъе бахIаралги щванила.
Жакъа къоялдаса мун йиго, бетIерчIахъад, гьаб вилаяталъул бетIергьанин абунила цараца ханасул ясалда. ЦIакъ разилъанила бахIарай жавгьар-якъуталъ къачIараб гьеб кIалгIаялдасаги, мегIер-гIалах цIураб гIи-боцIудасаги, гъансал цIураб месед-гIарацалъул хазинаялдасаги.
Гьедин талихIаб гIумруялда рукIанила Сахратги, бахIарайги, церги.
Цо къоялъ Сахрат тира-сверизе арабго, цараца жибго унтараб ххвел гьабунила. Балагьилин гьезул хасияталъухъ, щиб гьаз гьабулищалиян чIанила цер бегун.

(Хадусеб букIине буго)

Автор: ФИО или фамилия и инициалы автора

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!