Сделать домашней|Добавить в избранное
 
на правах рекламы

Хабар

  • Версия для печати
Добавил(а): istina от 15-06-2015, 10:53

Ролъ барщун буго

Ролъ барщана. Лъилъариялъул би­щунго хIалуцараб заман тIаде щва­на. Радалалдаса маркIачIулъизегIан хур­за­бахъ лъилъарулел машинаби хъу­ду­лел руго.

Руччаби, ясал, киналго лъимал ва хе­рал гьенир хурзабахъ руго. Гул къазе ки­наздаго лъаларо, амма хIалтIи ки­на­зего гIураб буго. Хурухъабаз, къвал цIун босун, цIодорго кIобокIизеги кIо­бо­кIун, ролъул сумалъул кьурарал ру­хьа­баз гулал къала.

Лъималаз гул къалезе сум кьола, хIа­дурарал гулал цо рахъалдехун росун лъо­ла. Бажарулез гьел хар­чIал гьарун сокIкIуна. ХарчIал гьа­ди­нан гьарула. Цо гул бахъун чIезабун лъо­ла. Гьелде тIаде чIвазарун, тIо­рал­ги эхеде гьарун, ичI­го гул лъола. Къурщица тIанчIи гIа­дин, анцIабго гул бахчуледухъ, тIо­рал­ги гIодоре гьарун, тIадчIвала ан­цIи­­ла цоабилеб гул. Гьелъ цогидал цIа­дал­­даса ва гьородаса цIунула.

Лъилъараб хуриб иргаялда мухъ гьа­бун чIезарурал, махI берцинаб тIо­щалил харчIаз захIматчагIазул ракIал ро­хизарула.

Н. Незлобина

ТалихI

Цо чияс ккун бу­го хIинчI.

- Вабабай, ди­е щва­раб талихI! - ан­­ги абун, лъикI дан­де къа­раб хъа­ти­­нибги лъун, ба­чун буго гьес хIинчI гIа­­­­­да­мазда бихьизе. Гье­­­ди­гIанго къа­раб ру­къа­лъул гIумру бо­кьи­ларин ди­­еян, боржун ун буго хIинчI.

КIиабилев чиясги ккун буго гьеб­го хIинчI.

- Вабабай, дие щвараб тали­хI! - ан­ги абун, рагьараб хъатиниб гьебги лъун, ун вуго гьевги гIадамазда жин­дир­­го рохел бицине. ГьадигIанго рагьараб рокъоб гIумру хIажат гье­­­чIин диеян, боржун ун буго хIинчI.

Лъабабилесухъе ккве­зе щун буго гьеб­­го хIин­чI.

- Вабабай, дие щва­раб та­лихI! - ан­­ги абун, хъат ра­гьун, цин гьеб дан­декъан, гIа­­да­мазда жин­дирго рохел би­хьизе ба­­чун буго гьес гьеб.

Гьаб бугин дир рукъги дир та­лихI­гиян, гьесухъ чIун буго хIинчI.

ТIутIги наги

Цо къоялъ тIутIги наги данд­чIва­ни­ла. ТIотIоца наялда гьикъанила, ки­нал­го гIадамаз дун бачахъулин, чIва­лин, ас­кIобе къазегIаги толарин, ду­рин абу­ни, тIалаб-агъаз гьабулин, гьел дур бе­гIераб хечалдаса хIин­къу­лел­гIаги ра­ти­лин.

Наялъ жаваб кьунила:

- БегIераб хечалдаса хIинкъун гьа­булеб жо тIалаб-агъаз букIа­ра­б­ани, кьужнайилги кIкIараялъулги гьа­би­лаан гIадамаз тIалаб. Гьезулин абу­ни, гIадамаз дудаса батIаго цIи­кIкIун тIалаб гьабуларо. Дуца гIада­ма­зе кьола унти, дица - дару.

Автор: ФИО или фамилия и инициалы автора

Газета №: 22, от 12.06.2015 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!