Сделать домашней|Добавить в избранное
 
Главная » Детский уголок - БурутI » Мискинчиясе ханасул яс ячараб куц
на правах рекламы

Мискинчиясе ханасул яс ячараб куц

  • Версия для печати
Добавил(а): istina от 5-06-2015, 10:26
Цо росулъ вукIун вуго хIат тун бечедав чи. Гьесул йикIун йиго цIакъ берцинай яс.
Гьелъухъ рокьи ккун буго цогидаб росулъ вукIарав, мискинлъиялъ рукъалда къоно гурони букIинчIев цо чиясул васасул. Гьезул бугеб жого букIун буго азбаралдаго хIебтIарал цо хIелекоги кIиго гIанкIуги.
Инсуца гIемер гьаранила васасда нилъее ханас гьей ясги кьоларин, дуца гьел дурго хьулалги жалго тейин, нилъерго росулъа цо нилъедаго рекъарай гIадай яс ячеян. Васас гьеб кинго гIадахъ босулеб букIинчIила. Щибаб къоялъ гьев вачIунев вукIун вуго гьей яс йигеб росулъе, гордухъан яккунгIаги йихьилародаян. КъобакъинегIан гьелъухъ халккун, сардилъ рокъове тIадвуссунев вукIун вуго.
Гьедин гIемер мех бан буго. Кинго васасе гьей яс гьаризе чи витIизе эменги хIинкъун вуго, яс кьечIогунцин гуреб, кьейин абун аскIоре къаралъухъго, ханас гIакъуба кьун, инжит гьарилин жалгоян.
Цо пуланаб къоялъ гьеб росулъе вачIун вуго цо гьардухъан, гъажалде хулжалги рехун. Гьев щун вуго гьав мискинчиясул кIалтIеги. Гьардухъанасе кьезе жоги букIинчIого, инсуца кквезе щвараб кIиябго гIанкIудал цояб кьун буго гьесие. Гьардухъанас гIанкIу гьеб лахIзаталъго биччан тун буго, мун дидасаги мискинав вихьулин абун. ГIодор чIун кIалъалел рукIаго, инсуца бицун буго бугеб ахIвал-хIал, вас вугин жиндир рокьуца унтарав, гьев сахлъилин хьулги гьечIин, ханас гьесие ясги кьелищинхаян кIалъан вуго.
Гьардухъанас абун буго, жив инин гьев ханасда аскIове гьесул яс дур васасе гьаризеян. Мискинчиги тамашалъи гьабун хутIун вуго, мун гьаглъунищин, гьес мун рокъовеяли киса гурин, азбаралде къазецин толаревин, дудаго тIаде балагь цIагейин кIалъан вуго. Гурин, дун инин абун гьардухъан къватIиве вахъун вуго.
Унаго нухда гьасда цо лъикI ретIел-хьит ретIарав чи дандчIван вуго, гьарун буго гьесда метер радаллъизегIан ретIел хисизе бегьиларищин. Гьевги разилъун, ретIун гьесул ретIелгун, ун вуго ханасухъе.
Щванила гьардухъан ханасул кIалгIабахъе. Салам кьун гIодор чIанила, щиб дур мурадан цIеханила. Гьардухъанас абунила жив вугин пуланав ханас витIарав чи дур ясги йихьун, дир гьелда ракIги разилъани, гьес жиндирго васасе кьезе дуда гьареян абун. Васги вугин гьесул нахулъ лъедолев гIадав, тIад дунялалда тункулев гIадав, цо щунусго гIиги бугони, цо 50 чу-хьваниги бугони, гьелдего бачIараб гIака-бечеги ва цогидабги бугони, лъикIал хъахIал рукъзалги ругони, гьездаго рекъараб къайи-цIаги жаниб бугони, нилъер лъималазул гIумрудул иш квеш ккеларилан кIалъанила.
Ханас ахIун ячIарай яс гьардухъанасе рекIее гIунила. Ячун лъикIин жидер ханасул васасе гьайин разилъанила.
Ханас ясги кьунила, гьейги ячун, цадахъ ханас кьураб бечелъигун, къайи-матахIгун гьардухъанги анила.
Цо лъагIалил кIал цоцаде сверараб гIадаб мехалъ, гьав ханасда ракIалде кканила жиндирго ясалъул ахIвал-хIал щибдай бугоян гьезухъе ваккизе ине. Вилълъанила, щванила гьазухъе. РакьалдагIаги гIи, хьвани букIараб бакIцинги гьечIила, лъикI цIад бани биххулеб гIадаб, нахъа хIубал чIван риххичIого чIезарурал къадазул бокь лъаларила, рукъ лъаларила - цо минаги бугила, азбаралъур цо хIелекоги кIиго гIанкIуги гуреб жоги гьечIила, кIиго микки гIадин, рагьдаги гIодорчIун гьасул ясги гьелъул росги ратанила.
Квешго ццин бахъарав ханас ахIун вачIанила яс гьаризе гьасда аскIове вачIун вукIарав гьардухъан. ТIаде вортун гьев чIвачIого теларин лъугьанила, дуца жив махсароде щай ккураван семанила.
- Дица мун гуккичIо, - ян абунила гьардухъанас, - дида кинабгIаги гIайибги гьечIо. Дица дуда абуна бугониян, ракIалдеги ккун букIана мун рахIму бугев гIакъилав чиги вугелъул, дица абурабщинаб жо дуца кьелебин цIияб хъизаналъеян.
Гьабизе жо тIагIарав хан ургъанила, росасдаса ятIа гьаюн жиндирго яс рокъое ячинеги бокьун букIинчIила. ХIукму гьабунила, гьардухъанасулалдасаги гIодобегIанаб жиндирго гIакълу-лъайги гIадамаздаса бахчун, ясалъеги гьелъул росасеги гьардухъанас рикIкIарабщинаб бечелъиги кьезе, гьезие лъикIал хъулбиги разе.

Автор: ФИО или фамилия и инициалы автора

Газета №: 21, от 5.06.2015 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!