Сделать домашней|Добавить в избранное
 
Главная » Религия - Дин ва гIумру » МоцIрол байбихьуда, бакьулъ ва ахиралда кIал ккурасе алжан мустахIикълъилила
на правах рекламы

МоцIрол байбихьуда, бакьулъ ва ахиралда кIал ккурасе алжан мустахIикълъилила

  • Версия для печати
Добавил(а): istina от 27-04-2015, 11:02

 

Гьединго, аварагас  абун буго: "Ра­жаб Аллагьасул моцI буго. ШагI­бан дир моцI буго. Рамазанги дир умма­талъул моцI буго. Жинца иман­ги лъун, Аллагь разилъиги тIалаб гьа­бун ражаб моцIалъ  кIал ккурасе Аллагь разилъиги щола, Фирдавс абу­леб алжаналдеги лъугьуна.

Зуннун ал-Мисрияс абуна: "Ра­жаб буго рекьарулеб моцI. ШагIбан - лъалъадулеб моцI. Рамазан - бачIин бакIарулеб моцI. Щивас бакIарула жинцаго бекьараб ва рекьарулеб заман гIадада инабурав чи бакIа­рулеб мех щведал пашманлъула", - ян. (Гъунят).

Свалат-салам лъеяв аварагасда гьикъарабила ражаб моцIалъ кIал кквезе кIоларев чияс щиб гьаби­лебилан. Гьес абурабила, щибаб къоялъ цо панкъ садакъаде кьейин. Гьебги кIолеб гьечIони щибха гьабилебин цIехедал, хирияс абура­била: "Гьев чияс щибаб къоялъ абила "СубхIана ман ла янбагъи тасбихIу илла ллагьу, СубхIанал агIаззиль акрам, СубхIана ман лагьул гIиззу ва гьува лагьу агьлун", - ан. (Нузгьатул Мажалис).

Цо нухалда Малик бину Анасида дандчIван вуго МагIаз бину Жа­бал. Маликица гьикъун буго мун киса вачIунев чийин. МагIазица абун буго жив аварагасда аскIоса вачIунев вугин. Дуда аварагас­дасан щибха рагIарабин гьи­къи­дал, гьес абун буго жинда аварагас  абулеб рагIанин "щив чи вугониги ракIбацIцIадго "Ла илагьа илла Ллагь" абун, гьев чи алжаналде лъугьунин, гьединго, щив чи вуго­ниги гIицIго Аллагь разилъи тIа­лаб гьабун ражаб моцIалъ цо кIал ккун, гьев чиги алжаналде лъу­гьу­нин. Цинги, Малик щола авара­га­сухъе ва гьес абула МагIа­зи­ца жинда гьадин абунин. Ава­ра­­гасги абула МагIа­зица битIараб бицун бугин.


Автор: МухIамад МухIамадов

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января 24.04.2015г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!